Web Desk 
കാഞ്ഞങ്ങാട്: കാസർകോട് ജില്ല ലൈബ്രറി കൗൺസിൽ വികസന സമിതി സംഘടിപ്പിക്കുന്ന പുസ്തകോൽസവം ഒക്ടോബർ 16, 17, 18 തീയതികളിൽ മേലാങ്കോട്ട് ലയൺസ് ക്ലബ്ബ് ഓഡിറ്റോറിയത്തിൽ നടക്കും. ജില്ലയിലെ അഫിലിയേറ്റ് ചെയ്യപ്പെട്ട 477 ഗ്രന്ഥശാലകൾ, സ്കൂൾ ലൈബ്രറികൾ, പൊതുജനങ്ങൾ തുടങ്ങിയവർക്ക് സംസ്ഥാനത്തെ അമ്പതിലധികം പ്രസാധകരുടെ ഏറ്റവും പുതിയ പുസ്തകങ്ങൾ വാങ്ങാനുള്ള സുവർണാവസരമാകും പുസ്തകോൽസവം. പുസ്തകങ്ങൾക്ക് വിലക്കിഴിവുമുണ്ടായിരിക്കും.
പുസ്തകോൽസവ സംഘാടക സമിതി രൂപീകരണ യോഗം സപ്തംബർ 21 ശനിയാഴ്ച വൈകിട്ട് 4.30ന് ലയൺസ് ക്ലബ്ബ് ഹാളിൽ ചേരുമെന്ന് ജില്ല ലൈബ്രറി കൗൺസിൽ പ്രസിഡൻ്റ് കെ വി കുഞ്ഞിരാമനും സെക്രട്ടറി ഡോ.പി പ്രഭാകരനും അറിയിച്ചു.
