Web Desk 
അമ്പലത്തറ: പുല്ലൂർ പെരിയ പഞ്ചായത്ത് പ്രസിഡൻ്റും സാമൂഹ്യ സേവകനും ഗാന്ധിയനുമായിരുന്ന മീങ്ങോത്ത് കാപ്പി വളപ്പിൽ അപ്പയുടെ സ്മരണാർത്ഥം കേശവ്ജി സ്മാരക പൊതുജന വായനശാല ഏർപെടുത്തിയ രണ്ടാമത് കെ വി അപ്പ സ്മാരക പുരസ്കാരം സാമൂഹ്യപ്രവർത്തകനും എൻഡോസൾഫാൻ വിരുദ്ധ പോരാളിയുമായ അമ്പലത്തറ കുഞ്ഞികൃഷ്ണന് നൽകും.എൻഡോസൾഫാൻ ദുരിത ബാധിതർക്കുവേണ്ടിയും പരിസ്ഥിതി, സാമൂഹ്യ മേഖലകളിലെയും നിരവധി വിഷയങ്ങളിൽ അദ്ദേഹം നടത്തിയിട്ടുള്ള പ്രവർത്തനങ്ങളാണ് അവാർഡ്നിർണയ സമിതി പരിഗണിച്ചത്. പതിനായിരം രൂപയും വിനോദ് അമ്പലത്തറ രൂപകല്പന ചെയ്ത ശില്പവുമാണ് അവാർഡിന്റെ ഭാഗമായി നൽകുന്നത്.സെപ്റ്റംബർ 23 ന് നടക്കുന്ന അനുസ്മരണയോഗത്തിൽ കേരള രജിസ്ട്രേഷന്‍- മ്യൂസിയം – പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി അവാർഡ് സമ്മാനിക്കും.
