‘കൊട്ടമ്പാള’യ്ക്ക് അനുഭവങ്ങളുടെ ചൂടും ചൂരും

കരിവെള്ളൂർ : ജീവിതാനുഭവങ്ങളിൽ ഉരുകിത്തെളിഞ്ഞവയാണ് മനോജ് ഏച്ചിക്കൊവ്വലിൻ്റെ കഥകളെന്ന് പുരോഗമന കലാ സാഹിത്യ സംഘം തൃക്കരിപ്പൂർ ഏരിയാ സെക്രട്ടരി ഉമേഷ് പിലിക്കോട് പറഞ്ഞു. പാലക്കുന്ന് പാഠശാലയിൽ മനോജിൻ്റെ പുതിയ കഥാ സമാഹാരമായ ‘കൊട്ടമ്പാള ‘ പരിചയപ്പെടുത്തി സംസാരിക്കുകയായിരുന്നു അദ്ദേഹം. കോൺക്രീറ്റ് ജോലിക്കിടയിൽ കിട്ടുന്ന ഒഴിവു സമയത്ത് കടലാസിൽ കുറിച്ചിടുന്ന ‌അനുഭവങ്ങൾക്ക് കടലോളം വ്യാപ്തിയുണ്ട്.സൈദ്ധാന്തികമെന്നതിനെക്കാളേറെ മൗലികപ്രതിഭ കൊണ്ടാണ് മനോജ് ഏച്ചിക്കൊവ്വൽ എന്ന എഴുത്തുകാരൻ വായനക്കാരുടെ ഹൃദയങ്ങളിലേക്കു ചേക്കേറിയത്. അദ്ദേഹം പറഞ്ഞു. വടക്കുമ്പാട് ബാലകൃഷ്ണൻ- അനിത സ്നേഹമുറ്റത്ത് നടന്ന പരിപാടിയിൽ കെ.പി.രഞ്ജിത്ത് അധ്യക്ഷനായി. കെ. ബാലകൃഷ്ണൻ സ്വാഗതവും കെ.ചന്ദ്രൻ മാസ്റ്റർ നന്ദിയും പറഞ്ഞു. തമ്പാൻ അന്നൂർ, കെ.സി. മാധവൻ പി ഗീത , പി. ഗോപി, കൊടക്കാട് നാരായണൻ സംസാരിച്ചു.
കെ. ബാലകൃഷ്ണൻ സ്വാഗതവും കെ.ചന്ദ്രൻ മാസ്റ്റർ നന്ദിയും പറഞ്ഞു. തമ്പാൻ അന്നൂർ, കെ.സി. മാധവൻ പി ഗീത , പി. ഗോപി, കൊടക്കാട് നാരായണൻ സംസാരിച്ചു. അനുശ്രീ വിജീഷ് ഗാനങ്ങൾ ആലപിച്ചു.