കേരള സംസ്ഥാന ഹജ്ജ് കമ്മിറ്റിയുടെ കാസർകോട് ജില്ലയിലെ സാങ്കേതിക പരിശീലന ക്ലാസുകൾ ആരംഭിച്ചു.

കേരള സംസ്ഥാന ഹജ്ജ് കമ്മിറ്റിയുടെ നേതൃത്വത്തിൽ കാസർകോട് ജില്ലയിൽ നിന്നും ഹജ്ജിനായി പുറപ്പെടുന്ന തീർത്ഥാടകർക്കുള്ള സാങ്കേതിക പരിശീലനക്ലാസിന്റെ ജില്ലാതല ഉത്ഘാടനം സംസ്ഥാന ഹജ്ജ് കമ്മിറ്റി മെമ്പറും നീലേശ്വരം മുനിസിപ്പാലിറ്റി സ്റ്റാന്റിങ്ങ് കമ്മിറ്റി ചെയർമാനുമായ ഷംസുദ്ധീൻ അരിഞ്ചിറ നിർവഹിച്ചു.

സംസ്ഥാന ഹജ്ജ് കമ്മിറ്റി മുൻ കോഓർഡിനേറ്റർ അഷ്‌റഫ്‌ അരയൻകോട് അധ്യക്ഷത വഹിച്ചു. സയ്യിദ് മുഹമ്മദ് ഹാമിദ് തങ്ങൾ മുഹിമ്മാത്ത് ദുആക്ക് നേതൃത്വം നൽകി. ഹജ്ജ് കമ്മിറ്റി ജില്ലാ ട്രെയിനിങ് ഓർഗനൈസർ കെ എ സലീം മാസ്റ്റർ, ഹജ്ജ് കമ്മിറ്റി ഫാക്കൽറ്റി സൈനുദ്ധീൻ എന്നിവർ പരിശീലന ക്ലാസുകൾക്ക് നേതൃത്വം നൽകി. ട്രെയിനിങ് ഓർഗനൈസർ സിറാജുദ്ധീൻ തെക്കിൽ സ്വാഗതവും .ഉമ്മർ അന്നടുക്ക നന്ദിയും പറഞ്ഞു.