കാഞ്ഞങ്ങാട്ട് ഐസ് ക്രീം ഗോഡൗൺ കുത്തി തുറന്ന് 70000 രൂപ കവർന്നു

കാഞ്ഞങ്ങാട്:ഐസ്ക്രീം ഗോഡൗൺ കുത്തിത്തുറന്ന് 70,000 രൂപ മോഷ്ടിച്ചു. കർണാടക സുള്ള്യ സ്വദേശിയും വടകരമുക്കിൽ താമസക്കാരനുമായ റോഹൻ ഡിസൂസയുടെ വടകര മുക്കിലെ കരവള്ളി ഐസ്ക്രീം ഗോഡൗണിലാണ് കവർച്ച നടന്നത്. കടയുടെ പൂട്ടുപൊള്ളിച്ചാണ് മേശ വലിപ്പിൽ സൂക്ഷിച്ചിരുന്ന 70000 രൂപ മോഷ്ടിച്ചത്. ഡിസൂസയുടെ പരാതിയിൽ ഹോസ്ദുർഗ് പോലീസ് കേസെടുത്ത് അന്വേഷണം ആരംഭിച്ചു.