Web Desk 
നീലേശ്വരം: മൂലപ്പള്ളിയിലെ മടിയൻ വീട്ടിൽ കുഞ്ഞിക്കണ്ണന്റെ ഭാര്യ ടി വി കല്യാണി അമ്മ നൂറാം പിറന്നാളിന്റെ നിറവിൽ. മക്കളും ചെറുമക്കളും പേരക്കിടാങ്ങളുമൊപ്പം കുടുംബസമേതം കല്യാണി അമ്മ പിറന്നാൾ ആഘോഷിച്ചു. തുലാമാസത്തിലെ ഉത്രാടം നാളിൽ ജനിച്ച കല്യാണി അമ്മയുടെ ഭർത്താവ് മടിയൻ വീട്ടിൽ കുഞ്ഞിക്കണ്ണൻ 30 വർഷം മുമ്പ് കല്യാണി അമ്മയെ വിട്ടു പോയി. എല്ലാ ജോലികളും തനിയെ ചെയ്യുമായിരുന്ന കല്യാണി അമ്മയ്ക്ക് കുറച്ചു മാസങ്ങളായി ശാരീരിക ക്ഷീണം അനുഭവപ്പെടുന്നുണ്ടെങ്കിലും പഴയ കാര്യങ്ങളൊക്കെ നല്ല ഓർമ്മയാണ്. റിട്ട.കനറാ ബാങ്ക് ഉദ്യോഗസ്ഥൻ ടിവി അരവിന്ദാക്ഷൻ, സ്കോളർ കോളേജ് മാനേജർ ടിവി വിജയൻ മാസ്റ്റർ, ലീല ടീച്ചർ( അർച്ചന ഇൻസ്റ്റിറ്റ്യൂട്ട് ), ലതാ ടിവി ( എക്സൈസ് ഡിപ്പാർട്ട്മെന്റ് ), ടിവി ഗിരിജ, ടിവി സുകുമാരി പരേതരായ റിട്ട എസ്.ഐ ടിവി ശ്രീധരൻ, എക്സൈസ് ഓഫീസർ ടിവി രാജൻ എന്നിവരാണ് അമ്മയുടെ മക്കൾ.
