ആണൂർ നാഷണൽ ആർട്സ് ആൻ്റ് സ്പോർട്സ് ക്ലബ്ബിൻ്റെ ആഭിമുഖ്യത്തിൽ ഒരു മാസമായി നടന്നു വരുന്ന കബഡി കോച്ചിംഗ് ക്യാമ്പിൻ്റെ സമാപനവും വിവിധ മേഖലകളിൽ കഴിവു തെളിയിച്ച പ്രതിഭകൾക്കുള്ള അനുമോദനവും സംഘടിപ്പിച്ചു. കബഡി താരം വിജേഷ് അച്ചാംതുരുത്തിയുടെ നേതൃത്വത്തിൽ നടന്ന ക്യാമ്പിൽ 25 കുട്ടികൾ പങ്കെടുത്തു.
ജില്ലാ കബഡി അസോസിയേഷൻ പ്രസിഡൻ്റ് കെ. നാരായണൻ ഉദ്ഘാടനവും ഉപഹാര വിതരണവും നടത്തി. ടി.വി. ബാബു അധ്യക്ഷത വഹിച്ചു. സംസ്ഥാന കബഡി താരം ഒ.കെ. രാജേഷ് ജഴ്സി വിതരണം ചെയ്തു. കൊടക്കാട് നാരായണൻ, ടി.വി. വിനോദ്, കെ.പി. മുരളി സംസാരിച്ചു. കബഡി കോച്ച് വിജേഷ് അച്ചാംതുരുത്തി,കണ്ണാടിപ്പാറ മുത്തപ്പൻ ക്ഷേത്ര മഠപ്പുര ഭക്തിഗാന സി.ഡി. ആലാപനത്തിലൂടെ ശ്രദ്ധേയനായ പ്രമോദ് ആണൂർ,ജില്ലാ സ്കൂൾ ബോക്സിംഗിൽ സ്വർണ മെഡൽ നേടിയ ആര്യൻ ഷിജു, നൃത്താധ്യാപിക ശ്രുതി സുജിത്ത്, സംസ്ഥാന ഫുട്ബോൾ താരം അഭിരാമി എ , സംസ്ഥാന സ്കൂൾ കലോത്സവത്തിൽ പൂരക്കളി അവതരിപ്പിച്ച അനുഗ്രഹ് മനോജ്, സംസ്ഥാന സ്കൂൾ ശാസ്ത്രോത്സവത്തിൽ എ ഗ്രേഡ് നേടിയ ആദിഷ് രമേശൻ എന്നിവരെ അനുമോദിച്ചു.
Web Desk 
