കാസർകോട്: മഞ്ചേശ്വരം തെരഞ്ഞെടുപ്പ് കോഴ കേസിൽ ബി.ജെ.പി സംസ്ഥാന അധ്യക്ഷൻ കെ.സുരേന്ദ്രന്റെ വിടുതൽ ഹരജി കാസർകോട് ജില്ലാ സെഷൻസ് കോടതി അനുവദിച്ചു. ബി.എസ്.പി സ്ഥാനാർഥിയായിരുന്ന കെ. സുന്ദരക്ക് സ്ഥാനാർഥിത്വം പിൻവലിക്കാൻ രണ്ടര ലക്ഷം കോഴ നൽകിയെന്നാണ് സുരേന്ദ്രനെതിരായ കേസ്. ഒടുവിൽ സത്യം വിജയിച്ചിരിക്കുകയാണെന്ന് കോടതിവിധിക്ക് ശേഷം കെ സുരേന്ദ്രൻ മാധ്യമങ്ങളോട് പറഞ്ഞു.ഈ കേസ് കെട്ടിച്ചമച്ചതാണെന്ന് താൻ തുടക്കം മുതലേ പറഞ്ഞതാണെന്നും സുരേന്ദ്രൻ പറഞ്ഞു. ഈ കേസ് കെട്ടിച്ചമച്ചതാണെന്നും ഇതിൽ ചില മാധ്യമങ്ങളും പങ്കാളിയായി എന്നും സുരേന്ദ്രൻ ആരോപിച്ചു.
Web Desk 
