പത്രപ്രവർത്തക യൂണിയൻ കാസർകോട് ജില്ലാ കമ്മിറ്റി: സിജു കണ്ണൻ പ്രസിഡന്റ് പ്രദീപ് നാരായണൻ സെക്രട്ടറി

കേരള പത്രപ്രവർത്തക യൂണിയൻ കാസർകോട് ജില്ലാ കമ്മിറ്റിക്ക് പുതിയ ഭാരവാഹികളായി. കൈരളി ടിവിയിലെ സിജു കണ്ണനെ പ്രസിഡന്റായും ചന്ദ്രികയിലെ അബ്ദുള്ള കുഞ്ഞി ഉദുമയെ വൈസ് പ്രസിഡന്റായും മാതൃഭൂമിയിലെ പ്രദീപ് നാരായണനെ സെക്രട്ടറിയായും വിജയവാണിയിലെ പുരുഷോത്തമ പെർളയെ ജോയിന്റ് സെക്രട്ടറിയായും തെരഞ്ഞെടുത്തു. ട്രഷററായി ദേശാഭിമാനിയിലെ സുരേന്ദ്രൻ മടിക്കൈയെ നേരത്തെ എതിരില്ലാതെ തിരഞ്ഞെടുത്തിരുന്നു. ഉത്തരദേശത്തിലെ ഷാഫി തെരുവത്ത്, കൈരളിയിലെ ഷൈജു പിലാത്തറ, റിപ്പോർട്ടർ ടിവിയിലെ രഞ്ജിത്ത് മന്നിപാടി, സതീശൻ കരിച്ചേരി എന്നിവരാണ് എക്സിക്യൂട്ടീവ് കമ്മിറ്റി അംഗങ്ങൾ.