Web Desk 
നീലേശ്വരം:തദ്ദേശ സ്ഥാപനങ്ങൾ ഈടാക്കുന്ന തൊഴിൽ നികുതി ഇനിയും കൂട്ടാനുള്ള സർക്കാർ നടപടി സിപിഎമ്മിന് വോട്ട് ചെയ്യാത്തതിനുള്ള പണിഷ്മെന്റാണെന്ന് നീലേശ്വരം നഗരസഭ യു ഡി എഫ് പാർലിമെന്ററി പാർട്ടി നേതാവ് ഇ. ഷജീർ ആരോപിച്ചു.ജനങ്ങൾ ദാരിദ്രം കൊണ്ട് പൊറുതി മുട്ടുന്ന ഈ സമയത്ത് പ്രൊഫഷണൽ ടാക്സ് വർദ്ധിപ്പിച്ച സർക്കാർ നടപടി പ്രതിഷേധത്തിന് വഴി ഒരുക്കുക തന്നെ ചെയ്യും . തൊഴിൽ നികുതികൾ ഏറ്റവും കൂടുതൽ ബാധിക്കുന്നത് ചെറുകിട വ്യവസായങ്ങൾക്കാണെന്നുള്ള ബോധം സർക്കാരിന് ഉണ്ടായിക്കണമെന്നും ഇ ഷജീർ കുറ്റപ്പെടുത്തി .എടുത്ത തീരുമാനം പുന:പരിശോധിച്ചില്ലെങ്കിൽ ശക്തമായ പ്രക്ഷോഭങ്ങൾ ഉണ്ടാകുമെന്നും അദ്ദേഹം പറഞ്ഞു.
