Web Desk 
കാസർകോട്: കർണാടക കെഎസ്ആർടിസിബസ്സിൽ കഞ്ചാവ് കടത്തിയ കേസിലെ പ്രതിക്ക് രണ്ടുവർഷം കഠിനവും 20,000 രൂപ പിഴയും. ചെർക്കള പൊവ്വൽ മാസ്തിക്കുണ്ടിൽ മുബീന മൻസിലിൽ എം.പി മൊയിതീൻ്റെ മകൻ അബൂബക്കർ സിദ്ധിക്കിനെയാണ് കാസർകോട് അഡീഷണൽ ഡിസ്ട്രിക്റ്റ് & സെഷൻസ് കോടതി (രണ്ട്) ജഡ്ജ് കെ പ്രിയ ശിക്ഷിച്ചത്.പിഴയടച്ചില്ലെങ്കിൽ 3 മാസം കഠിനതടവും അനുഭവിക്കണം 2019 ഓഗസ്റ്റ്19നു വൈകുന്നേരം മംഗലാപുരത്തു നിന്നും കാസർകോടേക്ക് വരികയായിരുന്ന കെഎസ്ആർടിസി ബസ്സിൽ കടത്താൻ ശ്രമിച്ച ഒന്നര കിലോ കഞ്ചാവുമായി മഞ്ചേശ്വരം ചെക്ക് പോസ്റ്റിൽ വെച്ച് മഞ്ചേശ്വരം എക്സൈസ് ഇൻസ്പെക്ടർ എസ്.ബി മുരളീധരനും സംഘവുമാണ് സിദ്ദിഖിനെ പിടികൂടിയത്.അന്നത്തെ കുമ്പള എക്സൈസ് ഇൻസ്പെക്ടറും ,ഇപ്പോഴത്തെ കാസർകോട് എക്സൈസ് ഡെപ്യൂട്ടി കമ്മീഷണറുമായ ജോയ്ജോസഫാണ് കേസന്വേഷണം നടത്തി കോടതിയിൽ കുറ്റപത്രം സമർപ്പിച്ചത് ,പ്രോസിക്യൂഷന് വേണ്ടി അഡീഷണൽ ഗവ: പ്ലീഡർ ജി. ചന്ദ്രമോഹൻ ,അഡ്വ: ചിത്രകല എന്നിവർ ഹാജരായിരുന്നു
