The Times of North 
സുധീഷ്പുങ്ങംചാൽ
മൾട്ടിപ്ലസ് സിനിമാ തീയേറ്റർ നിർമ്മാണത്തിന്റെ മറവിൽ മലയോര താലൂക്ക് ആസ്ഥാനത്തിൻ്റെ കൺവെട്ടത്ത് എല്ലാനിയമങ്ങളും ലംഘിച്ച് അനധികൃത കരിങ്കൽ ക്വാറി പ്രവർത്തിക്കുന്നു.
വെള്ളരിക്കുണ്ട് ടൗണിലാണ് കഴിഞ്ഞമൂന്ന് മാസമായി അനധികൃത കരിങ്കൽ ക്വാറി പ്രവർത്തിക്കുന്നത്. ഇതുകാരണം ടൗണിലെ വ്യാപാരസ്ഥാപനങ്ങൾ ക്കും ജീവനക്കാർക്കും. അവിടെ എത്തുന്നവർക്കും ഓട്ടോ റിക്ഷാ ടാക്സി തൊഴിലാളികൾക്കും ഒരുപോലെ ദുരിതം അനുഭവിക്കേണ്ടി വരുന്നു.
തികച്ചും അശാസ്ത്രീയമായരീതിയിൽ പാറപൊട്ടിക്കുന്നത് മൂലം വെള്ളരിക്കുണ്ട് ടൗൺപകൽ നേരത്ത് പാറപൊടിയിൽ മുങ്ങുകയാണ്.
പലർക്കും അലർജി പോലുള്ള ശാരീരിക പ്രശ്നങ്ങളും ഉണ്ടാകുന്നതായിപറയുന്നു.
എല്ലാനിയമങ്ങളും ലംഘിച്ചു കൊണ്ട് സിനിമാതീയേറ്റർനിർമ്മാണത്തിന്റെമറവിൽ വെള്ളരിക്കുണ്ട് ടൗണിൽ കരിങ്കൽ ക്വാറി നടത്താൻ ഉദ്യോഗസ്ഥരുടേയും രാഷ്ടീയക്കാരുടേയും പിൻബലവും ഉണ്ടത്രെ. അതിനാൽ ഇതിനെതിരെ പ്രതികരിക്കാൻ ജനങ്ങളും ഭയക്കുന്നു.
സിനിമാതീയേറ്റർ നിർമ്മാണത്തിന് കെട്ടിടംപണിയാൻ പാറപൊട്ടിച്ചു മാറ്റാൻ മാത്രമാണ് ഇവർക്ക് മൈനിങ് ആന്റ് ജിയോളജി യും പഞ്ചായത്തും അനുമതി നൽകിയിട്ടുള്ളു..
എന്നാൽ റോഡ് നിർമ്മാണത്തിന് വരെ ഇവിടെ നിന്നും കരിങ്കൽ ലോഡ് പോകുന്നുണ്ട്
സൂക്ഷ്മതയോടെ കൈകാര്യം ചെയ്യേണ്ട ഇലക്ട്രിക്ക് ഡിറ്റനേറ്റർവരെ ഇവർക്ക് ഇവിടെയഥേഷ്ടം ലഭിക്കുന്നുവെന്നതും ആശങ്കാജനകമാണ്..
അലക്ഷ്യമായി കൂട്ടിയിടുകയും ഈ മേഖലയിൽ പരിചയകുറവ് ഉള്ളവരും ആയതൊഴിലാളികൾ കരാർഅടിസ്ഥാനത്തിൽ വെള്ളരിക്കുണ്ട് ടൗണിൽ പാറമടപ്രവർത്തിപ്പിക്കുന്നത് വലിയഒരുദുരന്തത്തിനും കാരണമായേക്കാം..
അടിയന്തിര നടപടികൾ ഇക്കാര്യത്തിൽ ജില്ലാ ഭരണകൂടം സ്വീകരിക്കണമെന്നാണ് നാട്ടുകാരുടെ ആവശ്യം…
