Web Desk 
നീലേശ്വരം: സമൂഹത്തിൽ അവശത അനുഭവിക്കുന്നവരെയും പ്രയാസപ്പെടുന്നവരെയും സഹായിക്കലും ആവിശ്യമായ സൗകര്യങ്ങൾ ചെയ്ത് കൊടുക്കലും സാമൂഹ്യ ബാധ്യതയാണെന്നും അതാണ് ശിഹാബ് തങ്ങൾ റിലീഫ് കമ്മിറ്റി നിർവഹിക്കുന്നതെന്നും എൻ എ നെല്ലിക്കുന്ന് എംഎൽഎ അഭിപ്രായപ്പെട്ടു. കോട്ടപ്പുറം ബാഫഖി സൗധത്തിൽ ചെയർമാൻ എൽ ബി നിസാറിന്റെ അധ്യക്ഷതയിൽ ചേർന്ന ശിഹാബ് തങ്ങൾ റിലീഫ് ഉൽഘടനം ചെയ്ത് സംസാരിക്കുകയായിരുന്നു നെല്ലിക്കുന്ന്. ചടങ്ങിൽ മഹല്ല് ഇമാമുമാർക്കുള്ള ധന സഹായം ജില്ലാ മുസ്ലിം ലീഗ് സെക്രട്ടറി ടി സി എ റഹിമാൻ വിതരണം ചെയ്തു. മുസ്ലിം ലീഗ് മുനിസിപ്പൽ പ്രസിഡന്റ് ഇ എം കുട്ടി ഹാജി, മണ്ഡലം ലീഗ് വൈസ് പ്രസിഡന്റ് റഫീഖ് കോട്ടപ്പുറം, ഫുഹാദ് ഹാജി, റഹീം പുഴക്കര, എൻ പി മുഹമ്മദ്‌ കുഞ്ഞി ഹാജി, കെ എം സി സി നേതാക്കളായ സൈനുദ്ധീൻ കടിഞ്ഞിമൂല, ഇ കെ ഷാഫി, കൗൺസിലർ അൻവർ സാദിഖ്, പെരുമ്പ മുഹമ്മദ്‌, കെ പി ഷാഹി, കുഞ്ഞുട്ടി പടന്ന ,സൈനുദ്ധീൻ അഴിത്തല, സി മുഹമ്മദ്‌ കുഞ്ഞി സംസാരിച്ചു. ഇ കെ മജീദ് സ്വാഗതവും പി ഇസ്മായിൽ നന്ദിയും പറഞ്ഞു
