പടന്നക്കാട് മേൽപ്പാലത്തിൽ ഹെവി ക്രെയിൻ തകരാറിലായി; ദേശീയ പാതയിൽ ഗതാഗതം താറുമാറായി

പടന്നക്കാട് ദേശീയപാതയിലെ പാലത്തിനു മുകളിൽ ഹെവി ക്രെയിൻ തകരാറിലായതിനെ തുടർന്ന് ദേശീയ പാതയിൽ ഗതാഗതം താറുമാറായി. ഇന്നു രാവിലെയാണ്നീലേശ്വരം ഭാഗത്തുനിന്നും കാഞ്ഞങ്ങാട് ഭാഗത്തേക്ക് പോകുകയായിരുന്ന ഹെവി ക്രെയിൻ പടന്നക്കാട് മേൽപ്പാലത്തിൽ വച്ച് തകരാറിലായത് . ഇതോടെ കണ്ണൂർ കാസർകോട് ഭാഗത്തേക്കുള്ള ഗതാഗതം പൂർണമായും താറുമാറായി. ഇതേ തുടർന്ന് ദേശീയപാതയിലൂടെയുള്ള വാഹനങ്ങൾ മടിക്കൈ അമ്പലത്തറ വഴിയും അരയി പാലം വഴിയും ഒഴിഞ്ഞ വളപ്പ് വഴിയും വഴിതിരിച്ചു വിട്ടു. ഇതു കാരണം രാവിലെ മുതൽ ഓഫീസുകളിലേക്ക് പോകുന്ന ഉദ്യോഗസ്ഥർ ഉൾപ്പെടെയുള്ള നിരവധി യാത്രക്കാർ ദുരിതത്തിലായി.