സംസ്ഥാന സര്‍ക്കാര്‍ പ്രഖ്യാപിച്ച ലഹരി വിരുദ്ധ കാമ്പയിനിന്റെ ഭാഗമായി ഗ്രോടെക് ഐ.ടി.ഐ ഗ്രോടെക് പ്രീമിയർ ലീഗ് ഫുട്ബോൾ ടൂർണമെന്റ് സംഘടിപ്പിച്ചു.ലഹരിക്കെതിരെ അണിചേരുക, ജീവിതമാണ് ലഹരി എന്നീ മുദ്രാവാക്യങ്ങള്‍ ഉയര്‍ത്തിയാണ് മത്സരം സംഘടിപ്പിച്ചത്. ആധുനിക സമൂഹത്തെ കാർന്നു തിന്നുകൊണ്ടിരിക്കുന്ന ലഹരിയെന്ന വൻ വിപത്തിനെതിരെ വിദ്യാർത്ഥികളെ അണിനിരത്തുകയെന്ന ലക്ഷ്യവുമായാണ് ടൂർണമെൻ്റ് സംഘടിപ്പിച്ചത്.കൊവ്വൽപ്പള്ളി ഫുട്ബോൾ ടർഫിൽ ഗ്രോടെക് പ്രിൻസിപാൾ ബെന്നി സെബാസ്റ്റ്യൻ ഉദ്ഘാടനം ചെയ്തു. സെക്ഷൻ ഹെഡ് പ്രവീൺ പ്ലാച്ചിക്കര ലഹരി ബോധവൽകരണ ക്ലാസും ലഹരി വിരുദ്ധ പ്രതിഞ്‌ജയും നടത്തി. ഗ്രോടെക് മനേജർ ഉണ്ണികൃഷ്ണൻ , നെൽസൺ ജോസഫ് തുടങ്ങിയവർ മത്സരത്തിന് നേതൃത്വം നൽകി.
Web Desk 
