മാലിന്യമുക്തം നവകേരളം ജനകീയ ക്യാമ്പയിന് മടിക്കൈയിൽ തുടക്കമായി

ഒക്ടോബർ 2 മുതൽ മാർച്ച് 30 വരെ നടക്കുന്ന മാലിന്യമുക്തം നവകേരളം ജനകീയ ക്യാമ്പയിൻ്റെ സന്ദേശമുയർത്തി മടിക്കൈ പഞ്ചായത്തുതല പര്യടനം ചന്ദ്രശേഖരൻ എം.എൽ എ കോട്ടപ്പാറയിൽ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡണ്ട് എസ് പ്രീത അധ്യക്ഷത വഹിച്ചു. വൈസ് പ്രസിഡണ്ട് വി പ്രകാശൻ, ആരോഗ്യ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർപേഴ്സൺ രമ പത്മനാഭൻ, ക്ഷേമകാര്യ സ്റ്റാൻ്റിംഗ് കമ്മറ്റി ചെയർമാൻ രാജൻ , വാർഡുമെമ്പർ വേലായുധൻ, കാഞ്ഞങ്ങാട് ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീലത കെ വി , ഹരിത മിഷൻ ആർ പി ബാലചന്ദ്രൻ , ഹെൽത്ത് ഇൻസ്പെക്ടർ പി.ടി. മോഹനൻ, വ്യാപാരി വ്യവസായി പ്രതിനിധികളായ രാജൻ , കുഞ്ഞിക്കണ്ണൻ എന്നിവർ സംബന്ധിച്ചു. മടിക്കൈ ജി എച്ച് എസ്.എസിലെ എൻ എസ് എസ് യൂനിറ്റിലെ വിദ്യാർത്ഥികൾ കലാപരിപാടികൾ അവതരിപ്പിച്ചു കൊണ്ട് യാത്രയെ അനുഗമിച്ചു. അമ്പലത്തറ പൂത്തക്കാൽ, കാഞ്ഞിരപ്പൊയിൽ, മൂന്നു റോഡ്, എരിക്കുളം,ബങ്കളം, മേക്കാട്ട് എന്നിവിടങ്ങളിൽ യാത്രയ്ക്ക് സ്വീകരണം നല്ലി. സ്വീകരണ കേന്ദ്രങ്ങളിൽ ജനപ്രതിനിധികൾ , വ്യാപാരികൾ, വിദ്യാർത്ഥികൾ, കുടുംബശ്രീ പ്രവർത്തകർ, ഹരിതകർമ്മസേന , ഉദ്യോസ്ഥർ, തുടങ്ങിയവർ ഭാഗമായി.