നീലേശ്വരം: അഞ്ഞൂറ്റമ്പലം വീരർക്കാവ് ക്ഷേത്രത്തിലെ കളിയാട്ട മഹോത്സവത്തോടനുബന്ധിച്ച വെടിക്കെട്ട് അപകടത്തിൽ പരിക്കേറ്റ് ഇപ്പോഴും ആശുപത്രിയിൽ ചികിത്സയിൽ കഴിയുന്നത് 61 പേർ. ഇതിൽ എട്ട് പേർ ഐസിയുവിലാണ്. ബാക്കി 53 രോഗികളെയും വാർഡിലേക്ക് മാറ്റിയതായി ആശുപത്രി അധികൃതർ അറിയിച്ചു. മംഗളൂരു എ ജെ ആശുപത്രിയിൽ ഏഴ് പേരും കണ്ണൂർ മിംസ് ആശുപത്രിയിൽ ഒരാളുമാണ് ഐസിയുവിൽ കഴിയുന്നത്. മംഗളൂരു എ ജെ ആശുപത്രിയിൽ 24 പേരും കണ്ണൂർ മിംസ് ആശുപത്രിയിൽ 20 പേരും കാഞ്ഞങ്ങാട് ഐഷാൽ ആശുപത്രിയിൽ ഏഴും കോഴിക്കോട് മിംസിലും കണ്ണൂർ ബേബി മെമ്മോറിയൽ ആശുപത്രിയിലും മൂന്നുപേർ വീതവും മംഗളൂരു കെ.എസ് ഹെഗ്ഡെ ആശുപത്രിയിലും ഫാദർ മുള്ളേഴ്സ് ആശുപത്രിയിലും ഓരോ രോഗികളുമാണ് ചികിത്സയിൽ കഴിയുന്നത്.
Web Desk 
