ആസ്വാദനക്കുറിപ്പു മത്സരം സമ്മാനങ്ങൾ നൽകി സന്ദേശം ബാലവേദി

കാസറഗോഡ് – ചൗക്കി സന്ദേശം ഗ്രന്ഥാലയത്തിന്റെ കീഴിൽ പ്രവർത്തിക്കുന്ന സന്ദേശം ബാലവേദി, നെഹ്റുയുവകേന്ദ്രം എന്നിവയുടെ നേതൃത്ത്വത്തിൽ അടുക്കത്തു ബയൽ ഗവ: യു.പി.സ്കൂളിൽ സ്ഥാപിച്ച എഴുത്തുപെട്ടിയിൽ നിക്ഷേപിച്ച ആസ്വാദനക്കുറിപ്പുകൾക്കുള്ള സമ്മാനദാന ചടങ്ങിന്റെ ഉദ്ഘാടനം താലൂക്ക് ലൈബ്രറി കൗൺസിൽ സെക്രട്ടറി പി. ദാമോദരൻ നിർവഹിച്ചു. ഹെഡ് മാസ്റ്റർ എൻ.എ. ചന്ദ്രൻ അധ്യക്ഷത വഹിച്ചു. താലൂക്ക് ലൈബ്രറി കൗൺസിൽ അംഗം കെ.വി. മുകുന്ദൻ മാസ്റ്റർ, സന്ദേശം ഗ്രന്ഥാലയം സെക്രട്ടറി എസ്.എച്ച്. ഹമീദ്, മുഹമ്മദ് കുഞ്ഞി മാസ്റ്റർ, ഗഫൂർ മാസ്റ്റർ, ശ്രീരേഖ എം.എം, സൗമ്യ ടി.വി. ജോസ്മി അഖിലേഷ് എന്നിവർ പ്രസംഗിച്ചു. ആസ്വാദനക്കുറിപ്പു മത്സരത്തിൽ ശ്രേയ പി.എം, അൻവിത, റിതും രാജ് എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. വിജയി കൾക്ക് ട്രോഫികളും ക്യാഷ് പ്രൈസും സമ്മാനിച്ചു.