കാലിക്കടവ്:ഇന്ത്യൻ എൻ.ജി.ഒ അവാർഡ് കൗൺസിലിൻ്റെ നേതാജി സ്മൃതി പുരസ്ക്കാർ 2025 പ്രമുഖ പ്രഭാഷകനും എഴുത്തുകാരനുമായ ഡോ. വത്സൻ പിലിക്കോടിന്. പതിനായിരത്തിൽ പരം വേദികളിൽ അദ്ദേഹം നടത്തിയ വിജ്ഞാനപ്രദമായ പ്രഭാഷണങ്ങളും എഴുത്തും ഒപ്പം വിദ്യാഭ്യാസ പ്രവർത്തനങ്ങളും മാനിച്ചാണ് പുരസ്കാരം. ആനുകാലിക വിഷയങ്ങളിലേതിലും പ്രഭാഷണം നടത്താൻ പ്രഗൽഭനായ വത്സൻ രാജ്യത്തിനകത്തും വിദേശത്തുമായി നൂറിലേറെ വേദികളിൽ പ്രഭാഷണം നടത്തിയിട്ടുണ്ട്. നാട്ടു സംസ്കൃതിയുടെ ജീവിക്കുന്ന പുസ്തകം എന്നാണ് മാഷിനെ വിശേഷിപ്പിക്കുന്നത്. നിലവിൽ കയ്യൂർ ഗവ. ഹയർ സെക്കൻ്ററി സൂളിൽ പ്ലസ്ടൂ വിഭാഗം അധ്യാപകനാണ്.
Web Desk 
