Web Desk 
റവന്യു ജില്ല കലോത്സവ നഗരിയായ ഉദിനൂർ ഗവൺമെൻറ് ഹയർ സെക്കൻഡറി സ്കൂളിൽ വ്യവസായ വാണിജ്യ വകുപ്പ് ജില്ലാ വ്യവസായ കേന്ദ്രത്തിന്റെ ആഭിമുഖ്യത്തിൽ സൂക്ഷ്മ ചെറുകിട ഇടത്തരം സംരംഭങ്ങളുടെ വ്യവസായ ഉത്പന്ന പ്രദർശന വിപണന മേളയുടെ ഉദ്ഘാടനം എം രാജഗോപാലൻ എം എൽ എ നിർവഹിച്ചു. പടന്ന പഞ്ചായത്ത്‌ പ്രസിഡന്റ്‌ പിവി മുഹമ്മദ് അസ്ലം അധ്യക്ഷതവഹിച്ചു ചടങ്ങിന് ജില്ലാ പഞ്ചായത്ത്‌ പ്രസിഡന്റ്‌ ബേബി ബാലകൃഷ്ണൻ ,ജില്ലാ പഞ്ചായത്ത്‌ മെമ്പർ സി ജെ സജിത്ത് എന്നിവർ മുഖ്യാതിഥിയായി. യൂ സജീവ് , വിജയലക്ഷ്മി ടി , പിവി ലീന ,എ കെ ശ്യാംപ്രസാദ്‌ , എസ് രാജാറാം സംസാരിച്ചു. ജില്ലാ വ്യവസായ കേന്ദ്രം ജനറൽ മാനേജർ കെ സജിത്ത് കുമാർ സ്വാഗതവും ജില്ലാ വ്യവസായ കേന്ദ്രം അസിസ്റ്റന്റ് ഡയറക്ടർ നിതിൻ നന്ദിയും പറഞ്ഞു.
