ജില്ലാ സഹോദയ അത്‌ലറ്റിക് മീറ്റ് നാളെ ഇഎംഎസ് സ്റ്റേഡിയത്തിൽ

നീലേശ്വരം: സിബിഎസ്ഇ കാസർകോട് സഹോദയ സ്കൂൾ കോംപ്ലക്സിന്റെ ജില്ലാ അത്ലറ്റിക് മീറ്റ് നാളെ (ശനിയാഴ്ച) നീലേശ്വരം പുത്തിരടുക്കം ഇഎംഎസ് സ്റ്റേഡിയത്തിൽ വച്ച് നടക്കും. സഹോദയയിലെ 21 സ്കൂളുകളിൽ നിന്ന് 34 ഇനങ്ങളിലായി 750ലധികം കായിക പ്രതിഭകൾ പങ്കെടുക്കും.

നാളെ രാവിലെ 9 മണിക്ക് ഹോസ്ദുർഗ് എസ് ഐയും ദേശീയ നീന്തൽ ചാമ്പ്യനുമായ എം ടി പി സൈഫുദ്ദീൻ അത്‌ലറ്റിക് മീറ്റ് ഉദ്ഘാടനം ചെയ്യും. സഹോദയ പ്രസിഡന്റ് ഫാദർ ജോർജ് പുഞ്ചയിൽ അധ്യക്ഷത വഹിക്കും.