Web Desk 
ദേശീയ ദുരന്ത നിവാരണ അതോറിറ്റിയും സംസ്ഥാന ദുരന്ത നിവാരണ അതോറിറ്റിയും ജില്ലാ ദുരന്ത നിവാരണ അതോറിറ്റികളും സംയുക്തമായി 2025 ഏപ്രിൽ 11 നു സംസ്ഥാന വ്യാപകമായി മോക്ഡ്രിൽ നടത്തുന്നു. ആയതിന്റെ ഭാഗമായി കാസറഗോഡ് ജില്ലയിലെ മടക്കര ഹാർബറിൽ വെച്ച് സൈക്ലോൺ പ്രതിരോധ തയ്യാറെടുപ്പ് മോക്ക്ഡ്രിൽ ഏപ്രിൽ 11 തീയതി 8 മണി മുതൽ നടത്തുവാൻ തീരുമാനിച്ചിരിക്കുന്നു.
ടി പ്രദേശത്ത് താമസിക്കുന്ന ആളുകളെ വീടുകളിൽ നിന്നു ഒഴിപ്പിക്കുകയും പ്രസ്‌തുത സമയത്ത് ചിട്ടയോടുകൂടി ഇത്തരം മുന്നറിയിപ്പ് ലഭിച്ചാൽ എത്രയും വേഗം സുരക്ഷിത സ്ഥാനങ്ങളിലേക്ക് മാറുന്നതിന് ജനങ്ങളെ പര്യാപ്തരാക്കുന്നതിനും അടിയന്തിര രക്ഷാപ്രവർത്തനത്തിന് സർക്കാർ സംവിധാനങ്ങളെ പ്രാപ്‌തമാക്കുന്നതിനും വേണ്ടിയാണ് ഈ പരിപാടി സംഘടിപ്പിക്കുന്നത്. ഇതൊരു പരിശീലന പരിപാടി മാത്രമാണെന്നും ജനങ്ങൾ പരിഭ്രാന്തരാകേണ്ട സാഹചര്യം ഇല്ല എന്നും ജില്ലാ ദുരന്തനിവാരണ അതോറിറ്റിയിൽ നിന്നും അറിയിക്കുന്നു.
