ഭിന്നശേഷി ക്യാമ്പ്

പരപ്പ ആസ്പിറേഷണൽ ബ്ലോക്ക് പഞ്ചായത്തും, അലിംകോയും, കാസർഗോഡ് ജില്ലാ ഭരണകൂടവും, ജില്ലാ സാമൂഹ്യ നീതി വകുപ്പും (ILEAD പദ്ധതി), കേരള സാമൂഹിക സുരക്ഷ മിഷനും സംയുക്തമായി ഭിന്നശേഷിവിഭാഗത്തിലുള്ളവർക് ഉപകരണ വിതരണത്തിന് അസ്സെസ്‌മെന്റ് ക്യാമ്പ് നടത്തുന്നു. ഓഗസ്റ്റ് 29 & 30 തീയ്യതികളിൽ കള്ളാർ MCRC(ബഡ്‌സ് സ്കൂൾ), പൂടംകല്ലിലാണ് ക്യാമ്പ് നടക്കുന്നത്.
പനത്തടി,കള്ളാർ ,കോടോം ബേളൂർ പഞ്ചായത്തുകൾ ഓഗസ്റ്റ് 29നും വെസ്റ്റ് എളേരി, ഈസ്റ്റ്‌ എളേരി, കിനാനൂർ കരിന്തളം, ബളാൽ പഞ്ചായത്തുകൾ ഓഗസ്റ്റ് 30 നുമാണ് ക്യാമ്പിൽ പങ്കെടുക്കുന്നത്.
UDID കാർഡ് (UDID ക്കു എൻറോൾ എങ്കിലും ചെയ്തിരിക്കണം),റേഷൻ കാർഡ് / വരുമാന സർട്ടിഫിക്കറ്റ് (മാസ വരുമാനം 22,000 രൂപയിൽ കവിയരുത് ),ഒരു പാസ്പോർട്ട്‌ സൈസ് ഫോട്ടോ, ആധാർ കാർഡ് തുടങ്ങിയ രേഖകളാണ് കയ്യിൽ കരുതേണ്ടത്. ഓഗസ്റ്റ് 29 നും 30 നും രാവിലെ ഒൻപതു മുതൽ വൈകുന്നേരം നാലു വരെയാണ് ക്യാമ്പ്.