ഹോസ്ദുർഗ് സബ്ജില്ലാ കലോത്സവത്തിൽ എൽപി വിഭാഗം കവിതാലാപന മത്സരത്തിൽ സ്വന്തം അമ്മയുടെ കവിത ആലപിച്ച് എ ഗ്രേഡോടെ രണ്ടാം സ്ഥാനം നേടിയിരിക്കുകയാണ് ലിറ്റിൽ ഫ്ലവർ ഗേൾസ് ഹയർ സെക്കന്ററി സ്കൂളിലെ നാലാം ക്ലാസ്സ് വിദ്യാർത്ഥിനി അനാമികാ വിശ്വരാജ്. അമ്മ ലസിതാ വിശ്വരാജ് എഴുതിയ കനൽ എന്ന കവിതയാണ് സമ്മാനർഹമായത്. കഴിഞ്ഞ വർഷത്തെ സബ്ജില്ലാ യുവജനോത്സവത്തിലും അമ്മയെഴുതിയ മകനോട് എന്ന കവിത ആലപിച്ച് A ഗ്രേഡ് കരസ്ഥമാക്കിയിരുന്നു. കാസറഗോഡ് ജില്ലാക്കോടതി ജീവനക്കാരിയായ ലസിതയുടെയും കോടോം ബേളൂർ ഗ്രാമപഞ്ചായത്ത് ജീവനക്കാരനായ വിശ്വരാജിന്റെയും മകളായ ഈ കൊച്ചു മിടുക്കി ലളിതഗാനത്തിലും എഗ്രേഡോടെ ഒന്നാം സ്ഥാനം നേടിയിട്ടുണ്ട്.
Web Desk 
