വെള്ളാട്ട് ചുഴലിക്കാറ്റിൽ വ്യാപക നാശം നിരവധി വീടുകൾ തകർന്നു

ചെറുവത്തൂർ:ക്ലായിക്കോട് വെള്ളാട്ട് പ്രദേശങ്ങളിൽ ബുധൻ രാത്രിയിലുണ്ടായ ശക്തമായ ചുഴലിക്കാറ്റിൽ വ്യാപക നാശ നഷ്ടം പത്തോളം വീടുകൾ ഭാഗികമായി തകർന്നു.കാർഷിക വിളകളും നശിച്ചു. രാത്രി 11 മണിയോടെയാണ് ഈ പ്രദേശത്ത് വ്യാപകമായി കാറ്റ് വീശിയടിച്ചത്.വൻ മരങ്ങൾ കൂട്ടത്തോടെ റോഡിലേക്ക് പൊട്ടി വീണതിനാൽ വെള്ളാട്ട് അങ്കണവാടി -ക്ലായിക്കോട് തീരദേശ റോഡിൽ ഗതാഗതം തടസ്സപ്പെട്ടു. ഇ പി രാഘവൻ, പി പി ശ്രീധരൻ, ടി കണ്ണൻകുഞ്ഞി, ഇ പി കാരിച്ചി , പി പി ലളിത, ഇ പി കുമാരൻ, കെ മഹേഷ്‌ തുടങ്ങിയവരുടെ വീടുകൾക്ക് മുകളിൽ മരം വീണു.വൈദ്യുതി തൂണുകൾക്കും ലൈനുകൾക്കും നാശമുണ്ട്. ഇതോടെ ഈ ഭാഗങ്ങളിൽ വൈദ്യുതി ബന്ധവും നിലച്ചിരിക്കുകയാണ്.