Web Desk 
നീലേശ്വരം: ഏപ്രിലിൽ മധുരയിൽ വെച്ച് നടക്കുന്ന 24 -ാം പാർട്ടി കോൺഗ്രസിന്റെ ഭാഗമായുള്ള സി പി എം നീലേശ്വരം ഏരിയാ സമ്മേളനം കോട്ടപ്പുറത്ത് 26. 27 തീയ്യതികളിലായി നടക്കും. പ്രതിനിധി സമ്മേളനം 26 ന് രാവിലെ 10 ന് ഏ.കെ.നാരായണൻ കെ.കുഞ്ഞിരാമൻ നഗറിൽ സംസ്ഥാന കമ്മറ്റിയംഗം കെ.പി.സതീഷ് ചന്ദ്രനും പൊതുസമ്മേളനം 27 ന് 4 ന് നീലേശ്വരം പാലസ് ഗ്രൗണ്ടിലെ കോടിയേരി ബാലകൃഷ്ണൻ നഗറിൽ കേന്ദ്രകമ്മറ്റിയംഗം ഇ.പി.ജയരാജനും ഉൽഘാടനം ചെയ്യും. വളണ്ടിയർമാർച്ചും പ്രകടനവും 3.30 ന് മാർക്കറ്റ് ജംഗ്ഷൻ കേന്ദ്രീകരിച്ച് പുറപ്പെടും. പ്രതിനിധി സമ്മേളന നഗരിയിൽ ഉയർത്താനുള പതാക 25 ന് 2 മണിക്ക് കാലിച്ചാമരം കെ. ചിണ്ടേട്ടൻ സ്മൃതി മണ്ഡപത്തിൽ നിന്നും കെ പി.സതിഷ് ചന്ദ്രൻ ഉൽഘാടനം ചെയ്ത് പാറക്കോൽ രാജനെ ഏൽപ്പിക്കും. പൊതുസമ്മേളന നഗരിയിൽ ഉയർത്താനുള്ള പതാക പുളിക്കാൽകുണ്ടേൻ മൂലയിൽ ജില്ലാ സെക്രട്ടറിയേറ്റംഗം സി.പ്രഭാകരൻ ഉൽഘാടനം ചെയ്ത് മടത്തിനാട്ട് രാജനെ എൽപ്പിക്കും’ പൊതു സമ്മേളന നഗരിയിൽ ഉയർത്താനുള്ള കൊടിമരം പാലായി പള്ളിക്കാൽ അബൂബക്കർ സ്മൃതി മണ്ഡപത്തിൽ നിന്നും ജില്ലാ സെക്രട്ടറിയേറ്റംഗം വി.കെ.രാജൻ ഉൽഘാടനം ചെയ്ത് കരുവക്കാൽ ദാമോദരനെ ഏൽപ്പിക്കും’. പ്രതിനിധി സമ്മേളന നഗരിയിൽ ഉയർത്താനുള്ള കൊടി മരം കണിച്ചിറ കെ ബാലകൃഷ്ണ സ്മൃതി മണ്ഡപത്തിൽ ജില്ലാ സെക്രട്ടറിയേറ്റംഗം സാബു അബ്രഹാം ഉൽഘാടനം ചെയ്ത് പി.പി.പി.മുഹമ്മദ് റാഫിയെ എൽപ്പിക്കും ‘ദീപശിഖ ചാത്തമത്ത് കെ. അമ്പാടി സ്മൃതി മണ്ഡപത്തിൽ ജില്ലാക്കമ്മറ്റിയംഗം പി. ബേബി ഉൽഘാടനം ചെയ്ത് കെ.പി.രവീന്ദ്രനെയും നീലേശ്വരം എൻ.ജി. കമ്മത്ത് സ് മൃതി മണ്ഡപത്തിൽ ജില്ലാക്ക മ്മറ്റിയംഗം എം. ലക്ഷ്മി ഉൽഘാടനം ചെയ്ത് കെ.വി.ദാമോദരനെയും എൻ.കെ കുട്ടേട്ടൻ സ്മൃതി മണ്ഡപത്തിൽ പി.കൃഷ്ണപിള്ള മന്ദിരം – ഏരിയാ സെക്രട്ടറി എം.രാജൻ ഉൽഘാടനം ചെയ്ത് കെ. ലക്ഷ്മണനെയും ഏൽപ്പിക്കും’ തുടർന്ന് അത് ലറ്റുകൾ. വളണ്ടിയർ . മോട്ടോർ ബൈക്ക് എന്നിവയുടെ അകമ്പടിയോടെ സമ്മേളന നഗറുകളിൽ എത്തിച്ചേരും.
പൊതുസമ്മേളന നഗരിയിൽ സംഘടക സമിതി ചെയർപെഴ്സേൺ ടി വി ശാന്ത പതാക ഉയർത്തും
