സിപിഎം നേതാവ് കെ കണ്ണൻ നായർ അന്തരിച്ചു

നീലേശ്വരം: ജില്ലയിലെ തലമുതിർന്ന സിപിഎം നേതാവ് നീലേശ്വരം പേരോലിലെ കെകണ്ണൻനായർ 82 അന്തരിച്ചു. ഇന്ന് രാത്രി 9 മണിയോടെ കണ്ണൂരിലെ സ്വകാര്യ ആശുപത്രിയിലായിരുന്നു അന്ത്യം. ഏറെക്കാലം സിപിഎം ജില്ലാ കമ്മിറ്റി അംഗം,മഞ്ചേശ്വരം ഏരിയ സെക്രട്ടറി, ചുമട്ടു തൊഴിലാളി യൂണിയൻ സിഐടിയു ജില്ലാ സെക്രട്ടറി, കർഷക തൊഴിലാളി യൂണിയൻ ജില്ലാ സെക്രട്ടറി, സംസ്ഥാന കമ്മിറ്റി അംഗം അവിഭക്ത സിപിഎം നീലേശ്വരം ലോക്കൽ കമ്മിറ്റി സെക്രട്ടറി നീലേശ്വരം ബ്ലോക്ക് പഞ്ചായത്ത് മെമ്പർ തുടങ്ങിയ നിലകളിൽ പ്രവർത്തിച്ചിട്ടുണ്ട്. പ്രമാദമായപള്ളിക്കര തോക്ക് കേസിൽ പോലീസിന്റെ ക്രൂരമായ മർദ്ദത്തിന് ഇരയാവുകയും ജയിൽവാസം അനുഷ്ഠിക്കുകയും ചെയ്തിട്ടുണ്ട്. നിരവധി സമര പോരാട്ടങ്ങൾക്ക് നേതൃത്വം കൊടുത്തും കണ്ണൻ നായർ പലതവണ ജയിലിൽ കിടന്നിട്ടുണ്ട്. ഭാര്യ ലക്ഷ്മി. മകൻ ഉണ്ണികൃഷ്ണൻ(റെയ്ഡ് കോ). മരുമകൾ: നീതു. സഹോദരങ്ങൾ: പരേതരായ ഗോപാലൻ നായർ,കെ മാലിങ്കൻ നായർ, കെ കൃഷ്ണൻ നായർ, മാധവൻ നായർ.