Web Desk 
ലഹരികേസിൽ ജാമ്യം നൽകാൻ കാസർഗോഡ് ജില്ലാ സെഷൻസ് കോടതിയുടെ അപൂർവ്വ വിധി. “നിങ്ങൾ മദ്യവും ലഹരിയും വർജിക്കുക ലഹരിവഴിയിൽ നിനക്ക് നഷ്ടമാകുന്നത് നിന്നെയും നിൻറെ സുഹൃത്തുക്കളെയും കുടുംബത്തെയും ആണ്” എന്ന് എഴുതിയ ബോർഡും ആയി രാവിലെ 10 മുതൽ ഉച്ചയ്ക്ക് ഒരുമണിവരെ വിവിധ സ്ഥലങ്ങളിൽ ബോധവൽക്കരണം നടത്തണമെന്നാണ് കോടതിവിധി. 3.06 ഗ്രാം എംഡിഎംഐയുമായി അറസ്റ്റിലായ കാഞ്ഞങ്ങാട് പടന്നക്കാട് കുറുന്തൂരിലെ ഷഫ്രീന മന്സിലിലെ അബ്ദുൽസഫ് വാന് ജാമ്യം നൽകുന്നതിനാണ് കാസർഗോഡ് ജില്ലാ സെഷൻസ് ജഡ്ജി എസ് പണിക്കർ അപൂർവ വിധി പ്രസ്താവിച്ചത്. ബോധവൽക്കരണ പരിപാടിയുടെ വീഡിയോ ചിത്രീകരിച്ച് കോടതിയിൽ സമർപ്പിക്കണമെന്ന് പോലീസിനോടും ജാമ്യാപേക്ഷയിൽ വിധിപ്രസ്താവിച്ച കോടതി നിർദ്ദേശിച്ചു. 2024 മെയ് 18നാണ് കാഞ്ഞങ്ങാട് മയ്യത്ത് റോഡിൽ വച്ച് അബ്ദുൽ സഫ്വാൻ എംഡിഎമ്മിയുമായി പിടിയിലായത്.
