കാർ ബൈക്കിലിടിച്ച് ദമ്പതികൾക്ക് പരിക്കേറ്റു

റോഡരികിൽ നിർത്തിയിട്ടിരുന്ന കാർ സിഗ്നൽ നൽകാതെ റോഡിലേക്ക് എടുത്തപ്പോൾ ബൈക്കിലിടിച്ച് ദമ്പതികൾക്ക് പരിക്കേറ്റു. പനത്തടി ചാമുണ്ഡിക്കുന്നിലെ വെട്ടത്ത് ഹൗസിൽ ഷിന്റോ തോമസ്( 28 )ഭാര്യ ശ്രീക്കുട്ടി (22 )എന്നിവർക്കാണ് പരിക്കേറ്റത്. കഴിഞ്ഞ ദിവസം കുറ്റിക്കോൽ- ബോവിക്കാനം സംസ്ഥാന പാതയിൽ ബേത്തൂർ പാറയിൽ വെച്ചാണ് അപകടം ഉണ്ടായത് പരിക്കേറ്റ ഇരുവരെയും ആശുപത്രിയിൽ പ്രവേശിപ്പിച്ചു. കാർ ഡ്രൈവർക്കെതിരെ പോലീസ് കേസെടുത്തു.