Web Desk 
കൊവ്വൽ പള്ളിയിൽ പെൺകുട്ടിയെ കമന്റടിച്ചതിനെ ചൊല്ലി ഉണ്ടായ സംഘർഷം തടയാൻ പോലീസ് ലാത്തി വീശി. അക്രമത്തിൽ ഏർപ്പെട്ട ആറു പേർക്കെതിരെ കേസെടുത്തു. ഇന്നലെ വൈകിട്ട് കൊവ്വൽ പള്ളിയിലെ അജുവാ ഡ്രൈ ഫ്രൂട്ട്സ് കടയുടെ മുന്നിൽ വച്ചാണ് സംഘർഷം ഉണ്ടായത്. പെൺകുട്ടിയെ കമന്റ്ടിച്ചതിനെകുറിച്ച് ചോദിക്കാൻ ചെന്നപ്പോഴാണ് ഇരു വിഭാഗങ്ങൾ തമ്മിൽ ഏറ്റുമുട്ടൽ ഉണ്ടായത്. സംഭവം അറിഞ്ഞ് സ്ഥലത്തെത്തിയ ഹോസ്ദുർഗ് എസ് ഐ എൻ അൻസാറിന്റെ നേതൃത്വത്തിലുള്ള പോലീസ് സംഘമാണ് അക്രമകളെ തുരത്താൻ ലാത്തി വീശിയത്.തുടർന്ന് കസ്റ്റഡിയിലെടുത്ത മടിക്കൈ കീക്കാംങ്കോട്ടെ പി പി വിപിൻ, പാറപ്പള്ളിയിലെ നൗഷാദ്, മേലാങ്കോട്ടെ വിസി വിഷ്ണു, ചേറ്റുക്കുണ്ടിലെ വിജിത്ത്, ചിത്താരി കടപ്പുറത്തെ അക്ഷയ് ആറങ്ങാടിയിലെ ബി എം റാഷിക്ക് എന്നിവർക്കെതിരെയാണ് പോലീസ് കേസെടുത്തത്.
