Web Desk 
പിലിക്കോട് : ജനമൈത്രി പോലീസ് ചന്തേര, അനുപമ ഗ്രന്ഥാലയം പിലിക്കോട് എന്നിവരുടെ സംയുക്താഭിമുഖ്യത്തിൽ പിലിക്കോട് ഗവ.യു.പി സ്ക്കൂളിന്റെ സഹകരണത്തോടെ സൈബർ ബോധവൽക്കരണ ക്ലാസ്സ് നടത്തി. പിലിക്കോട് ഗവ യു പി സ്കൂളിൽ നടന്ന പരിപാടി അനുപമ ഗ്രന്ഥാലയം പ്രസിഡന്റ് പ്രദീപൻ കോതോളിയുടെ അധ്യക്ഷതയിൽ പിലിക്കോട് ഗവ.യുപി സ്കൂൾ ഹെഡ്മാസ്റ്റർ ബാലകൃഷ്ണൻ നാറോത്ത് ഉദ്ഘാടനം ചെയ്തു. നീലേശ്വരം പോലീസ് സ്റ്റേഷൻ സീനിയർ സിവിൽ പോലീസ് ഓഫീസ്സർ പ്രഭേഷ്കുമാർ വൈക്കത്ത് ക്ലാസ്സ് കൈകാര്യം ചെയ്തു. സ്റ്റാഫ് സെക്രട്ടറി പ്രഭ . യു , സീനിയർ അസിസ്റ്റന്റ് സുധീർകുമാർ ടി.വി എന്നിവർ ആശംസ അർപ്പിച്ച് സംസാരിച്ചു. ചന്തേര ജനമൈത്രീ ബീറ്റ് ഓഫീസ്സർ ഗിരീഷ്കുമാർ . പി.വി സ്വാഗതവും എസ് ആർ ജി കൺവീനർ പ്രീതി. ടി നന്ദിയും പറഞ്ഞു.
