വെടിമരുന്നു ദുരന്തം കമ്മറ്റിക്കാർക്കെതിരെ കൊലക്കുറ്റത്തിന് കേസെടുക്കണം

കൃത്യമായ മാനദണ്ഡം പാലിക്കാത്ത ഒരു ആരാധനാലയത്തിനും ഒരു കാരണവശാലും കരിമരുന്ന് പ്രയോഗത്തിന് അനുവാദം നൽകരുതെന്നും ഇത്തരം ദുരന്തങ്ങൾ നടന്നാൽ കമ്മറ്റി ഭാരവാഹികൾക്കെതിരെ കൊലക്കുറ്റത്തിന് കേസ്സെടുക്കണമെന്നും ദുരന്തബാധിതർക്കുള്ള ആശുപത്രി, കുടുംബ സഹായം നിർബന്ധമായും ബന്ധപ്പെട്ട ആരാധനാലയ കമ്മറ്റിയിൽ നിന്ന് ഈടാക്കണമെന്നും അച്ചാംതുരുത്തി സ്വദേശാഭിമാനി വായനശാല ആന്റ് ഗ്രന്ഥാലയം ആവശ്യപ്പെട്ടു. മുഖ്യമന്ത്രി, ഡി.ജി.പി, കലക്ടർ, എസ്.പി എന്നിവർക്ക് ഇത് സംബന്ധിച്ച് നിവേദനം നൽകി. നീലേശ്വരം വെടിക്കെട്ടപകടത്തിൽ മരണപെട്ടവരുടെ പേരിൽ അനുശോചനം രേഖപ്പെടുത്തി. പ്രവർത്തക സമിതി യോഗത്തിൽ ജയരാജൻ ടി. അധ്യക്ഷനായി. സെക്രട്ടറി വിനോദൻ കെ.പി, മുങ്ങത്ത് വിജയൻ പ്രസംഗിച്ചു.