മാർച്ച് 2 മുതൽ 4 വരെ കോഴിക്കോട് നടക്കുന്ന കേബിള്‍ ടി.വി ഓപ്പറേറ്റേഴ്‌സ് അസോസിയേഷന്‍ പതിനാലാമത് സംസ്ഥാന സമ്മേളനത്തിന്റെ ഭാഗമായുള്ള കൊടി മര ജാഥ കാസർകോട് നിന്നും ആരംഭിച്ചു.
കേബിള്‍ ടി.വി. സംരംഭക പ്രസ്ഥാനത്തിന്റെ വക്താവും ,മുന്‍നിര സാരഥിയുമായിരുന്ന എന്‍.എച്ച് അന്‍വറിന്റെ കാസര്‍കോട് പുലിക്കുന്നിലെ വസതിയില്‍ നിന്നാണ് കൊടിമര ജാഥ ആരംഭിച്ചത്.
എന്‍.എച്ച്. അന്‍വറിന്റെ പത്‌നി ആശ അന്‍വര്‍ ഫ്‌ളാഗ് ഓഫ് ചെയ്യതു . സി.ഒ.എ. സംസ്ഥാന എക്സി. കമ്മിറ്റി അംഗം പ്രജീഷ് അച്ചാണ്ടി ലീഡറായ ജാഥ സി എച്ച് കുഞ്ഞമ്പു എം എൽ എ ഉദ്ഘാടനം ചെയ്തു. സി.ഒ.എ ജില്ലാ പ്രസിഡൻ്റ് വി.വി മനോജ് കുമാർ അധ്യക്ഷത വഹിച്ചു. സംസ്ഥാന കമ്മിറ്റിയംഗങ്ങളായ ലോഹിതാക്ഷൻ എം, ഷുക്കൂർ കോളിക്കര സി.ഒ.എ. കണ്ണൂർ ജില്ലാ പ്രസിഡണ്ട്
ജയകൃഷ്ണൻ ,കണ്ണൂർ ജില്ലാ സെക്രട്ടറി രജീഷ് എം.ആർ , പ്രദീപ്കുമാർ കെ. , മോഹനൻ ടി വി, കെ.ഒ. പ്രശാന്ത്, വിനീഷ് കുമാർ എന്നിവർ സംസാരിച്ചു.സി.ഒ. എ കാസർകോട് ജില്ലാ സെക്രട്ടറി ഹരീഷ് പി.നായർ സ്വാഗതവും , മേഖല സെക്രട്ടറി പാർത്ഥസാരഥി നന്ദിയും പറഞ്ഞു.
ഉദുമ ,കാഞ്ഞങ്ങാട്, ചെറുവത്തൂർ, തൃക്കരിപ്പൂർ, താവം, കണ്ണൂർ,കൂത്തുപറമ്പ്, കുഞ്ഞിപ്പള്ളി, എന്നിവിടങ്ങളിലെ സ്വീകരണം ഏറ്റുവാങ്ങി ജാഥ കോഴിക്കോട് ബീച്ചിൽ സമാപിച്ചു.
സ്വീകരണ കേന്ദ്രങ്ങളിൽ കേബിൾ ടിവി ഓപ്പറേറ്റർമാർ ഇരുചക്ര വാഹനങ്ങളിലും ,മറ്റ് വാഹനങ്ങളിലുമായി കൊടിമര ജാഥയെ അനുഗമിച്ചു.
Web Desk 
