കോട്ടപ്പുറം സ്കൂളിന്റെ നേതൃത്വത്തിൽ ശുചീകരണം നടത്തി

കോട്ടപ്പുറം ഗവ: വൊക്കേഷണൽ ഹയർ സെക്കണ്ടറി സ്കൂളിൻ്റെ എൻ എസ് യൂണിറ്റിൻ്റെയും ശുചിത്വ ക്ലബ്ബിൻ്റേയും നേതൃത്വത്തിൽ കോട്ടപ്പുറം ജംഗ്ഷനും പരിസരവും ശുചീകരണം നടത്തി. ഹരിതകർമ്മസേനക്ക് കൈമാറാനായി പ്ലാസ്റ്റിക് മാലിന്യങ്ങൾ ശേഖരിച്ചു. പരിപാടി പി.ടി.എ പ്രസിഡന്റ് അബ്ദുൽ മജീദ് ഉദ്ഘാടനം ചെയ്തു . പ്രൻസിപ്പൽ സി.കെ ബിന്ദു വിദ്യാർത്ഥികളിൽ ഉണ്ടാകേണ്ട ശുചിത്വ ശീലത്തെക്കുറിച്ചു സംസാരിച്ചു. എൻ.എസ്.എസ് പ്രോഗ്രാം ഓഫീസർ കെ.ജയ, അധ്യാപകരായ വിജേഷ്. , വിനോദ് കുമാർ , കെ.വി രഞ്ജിത്ത് , ഷൈമ തുടങ്ങിയവർ നേതൃത്വം നൽകി.