Web Desk 
യേശു ദേവൻ്റെ ജറുസലേമിലേക്കുള്ള രാജകീയ പ്രവേശനത്തേയും സൈത്തിൻ കൊമ്പുകളും ഒലിവ് ഇലകളുമായി ജനങ്ങൾ ഓശാന പാടി എതിരേറ്റതിൻ്റെയും സ്മരണ പുതുക്കി ക്രൈസ്തവർ ഓശാന ഞായർ ആചരിച്ചു. പള്ളികളിൽ നിന്നും വെഞ്ചരിച്ച കുരുത്തോലകൾ ജനങ്ങൾക്ക് വിതരണം ചെയ്തു. തുടർന്ന് കുരുത്തോലകളേന്തി വിശ്വാസികൾ പ്രദക്ഷിണം നടത്തി.
കാഞ്ഞങ്ങാട് ഉണ്ണിമിശിഹാ ഫൊറോന പള്ളിയിലെ തിരുക്കർമ്മങ്ങൾക്ക് മോൺസിഞ്ഞോർ മാത്യു ഇളംതുരുത്തിപ്പടവിൽ, അസിസ്റ്റൻ്റ് വികാരി ഫാ.ആൽബിൻ ടോമി തെങ്ങുംപള്ളിൽ, ഫാ.ജോർജ് പുഞ്ചയിൽ എന്നിവരും , കാഞ്ഞങ്ങാട് അപ്പസ്തോല രാജ്ഞി ഫൊറോന പള്ളിയിൽ ഫാ. ജോൺസൺ നെടുംപറമ്പിൽ, തിരുഹൃദയ പള്ളിയിൽ ഫാ. ഫാ. ജോയൽ മുകളേൽ,മേലടുക്കം ലൂർദ്ദ് മാതാ പള്ളിയിൽ ഫാ. പീറ്റർ പാറേക്കാട്ടിൽ എന്നിവരും നേതൃത്വം നൽകി.
50 നോയമ്പിൻ്റെ അവസാനത്തെ ആഴ്ചയുടെ തുടക്കത്തിലാണ് ഓശാന ഞായർ’ ഓശാന മുതൽ ഈസ്റ്റർ വരെയുള്ള ദിവസങ്ങളെ വലിയ ആഴ്ച എന്നാണ് ക്രൈസ്തവർ വിശേഷിപ്പിക്കുന്നത്. പെസഹാ വ്യാഴവും ദുഃഖവെളളിയുമാണ് വലിയ ആഴ്ചയിലെ പ്രധാനപ്പെട്ട ദിനങ്ങൾ.
