Web Desk 
നീലേശ്വരം: നീലേശ്വരം സെക്യുലർ തിയ്യറ്റേഴ്സിൻ്റെ ആഭിമുഖ്യത്തിൽ സി അമ്പുരാജ് എഴുതി കരിമ്പന പുസ്തകം പാലക്കാട് പ്രസിദ്ധീകരിച്ച ചോപ്പിൻ്റെ സമര സാക്ഷ്യങ്ങൾ പുസ്‌തക ചർച്ച 28 ന് ഉച്ചയ്ക്ക് 2.30 ന് ദേവരാഗം ഓഡിറ്റോറിയത്തിൽ നടക്കും.
കേരളത്തിലെ കമ്മ്യൂണിസ്റ്റ് നേതാക്കളുടെ അധികമാരും അറിഞ്ഞിട്ടില്ലാത്ത ജീവിത ചിത്രങ്ങൾ അനാവരണം ചെയ്യുന്നതാണ് പുസ്തകം. പ്രശസ്ത കവി കുരീപ്പുഴ ശ്രീകുമാർ ഉദ്ഘാടനം ചെയ്യും. നഗരസഭ വൈസ് ചെയർമാൻ പി പി മുഹമ്മദ് റാഫി അധ്യക്ഷനാവും. ഡോ.വത്സൻ പിലിക്കോട് ചർച്ച നയിക്കും. ഡോ. വി പി പി മുസ്‌തഫ, പി വി ഷാജികുമാർ, ഡോ.കെ വി സജീവൻ, സീതാദേവി കരിയാട്ട് ചർച്ചയിൽ പങ്കെടുക്കും ഗ്രന്ഥകാരൻ സി അമ്പുരാജ് മറുമൊഴിയും, ഇ കെ സുനിൽ കുമാർ സ്വാഗതവും പറയും.
