ലഹരിവിരുദ്ധ ഫ്ലാഷ് മോബ് ഒരുക്കി ബാനം ഗവ.ഹൈസ്‌കൂളിലെ കുട്ടികൾ

ബാനം: അന്താരാഷ്ട്ര ലഹരിവിരുദ്ധ ദിനാചരണത്തിന്റെ ഭാഗമായി ബാനം ഗവ.ഹൈസ്‌കൂളിലെ ലഹരിവിരുദ്ധ ക്ലബിന്റെ നേതൃത്വത്തിൽ ലഹരിവിരുദ്ധ ഫ്ലാഷ് മോബ് ഒരുക്കി. ലഹരിവിരുദ്ധ പ്രതിജ്ഞ, മോക് പാർലമെന്റ്, പോസ്റ്റർ പ്രദർശനം, ഡിജിറ്റൽ പോസ്റ്റർ പ്രദർശനം എന്നിവയും നടന്നു. പ്രധാനധ്യാപിക സി.കോമളവല്ലി ഉദ്ഘാടനം ചെയ്തു. സീനിയർ അസിസ്റ്റന്റ് പി.കെ ബാലചന്ദ്രൻ, സ്റ്റാഫ് സെക്രട്ടറി കെ.ഭാഗ്യേഷ്, അനൂപ് പെരിയൽ, എം.ലത, പി.വി വിജേഷ്, കെ.ആർ സുമതി എന്നിവർ നേതൃത്വം നൽകി.