Web Desk 
ചെറുപുഴ:ക്രമസമാധാന പാലനരംഗത്തെ സ്തുത്യര്‍ഹമായ സേവനത്തിന് ശേഷം സ്ഥലം മാറിപ്പോകുന്ന ചെറുപുഴ പോലീസ് സ്റ്റേഷന്‍ ഹൗസ് ഓഫീസര്‍, ഇന്‍സ്‌പെക്ടര്‍ ടി.പി. ദിനേശിന് ചെറുപുഴ ടൗണ്‍ പ്രസ് ഫോറത്തിന്റെ ആഭിമുഖ്യത്തിൽ യാത്രയയപ്പ് നല്‍കി.
സ്റ്റേഷന്‍ അങ്കണത്തില്‍ നടന്ന യാത്രയയപ്പ് ചടങ്ങില്‍ പ്രസ് ഫോറം പ്രസിഡന്റ് എ.ജി. ഭാസ്‌കരന്‍ അധ്യക്ഷത വഹിച്ചു. ജയേഷ് ജോസ് ഇൻസ്പെക്ടറെ പൊന്നാടയണിയിച്ച് ആദരിച്ചു. എ.ജി. ഭാസ്‌കരന്‍ ഉപഹാരസമര്‍പ്പണം നടത്തി. ജെയിംസ് ഇടപ്പള്ളില്‍, അനീഷ് പറപ്പള്ളി, സണ്ണിപതിയില്‍ എന്നിവർ സംസാരിച്ചു. ഇന്‍സ്‌പെക്ടര്‍ ടി.പി. ദിനേശ് മറുപടി പ്രസംഗം നടത്തി. എസ്.ഐ. രൂപ മധുസൂദനന്‍ ഉള്‍പ്പെടെയുള്ള പോലീസ് ഉദ്യോഗസ്ഥർ ചടങ്ങിൽ സംബന്ധിച്ചു.
