Web Desk 
പയ്യന്നൂര്‍: രാമന്തളി കുന്നരു കാരന്താട്ടില്‍ കാർ കത്തിനശിച്ചു. കാരന്താട്ട്പഴയ കള്ളുഷാപ്പിന് സമീപത്തെ പി.വി.ദിജിന്റെ കെ. എൽ.86.ബി.5555 നമ്പർ ഫോർച്യൂൺ കാറാണ് പുലർച്ചെ 4 മണിയോടെ കത്തി നശിച്ചത്. അമ്മാവൻ അശോകൻ്റെ ഉടമസ്ഥതയിലുള്ള പൂട്ടിയിട്ട വീട്ടുപറമ്പിലാണ് ദിജിൻ കാർ നിർത്തിയിട്ടത്. പിലാത്തറയില്‍ ജിംനേഷ്യം നടത്തിവരികയാണ് ദിജിന്‍. വീട്ടിലേക്ക് കാര്‍ പോകാത്തതിനാൽ അമ്മാവൻ്റെ വീടിന് മുന്നിലെ റോഡരികിലാണ് ഇയാൾ കാർ നിര്‍ത്തിയിടാറുള്ളത്. ഷോര്‍ട്ട് സര്‍ക്യൂട്ടാകാന്‍ സാധ്യതയില്ലായെന്നാണ് പ്രാഥമിക നിഗമനം. പുലർച്ചെകാര്‍ കത്തുന്നത് അയൽവാസികളാണ് ആദ്യം കണ്ടത്. തുടർന്ന് പയ്യന്നൂർ ഫയർസ്റ്റേഷനിൽ വിവരമറിയിക്കുകയായിരുന്നു. ഫയർഫോഴ്‌സ് എത്തി തീ അണക്കുമ്പോഴെക്കും കാർ പൂർണ്ണമായും കത്തിനശിച്ചിരുന്നു. വിവരമറിഞ്ഞ് പയ്യന്നൂർ പോലീസും സ്ഥലത്തെത്തിയിരുന്നു.
സംഭവത്തിന് പിന്നിലെ കാരണം ദുരൂഹമാണ്. പയ്യന്നൂർ പോലീസ് കേസെടുത്ത് അന്വേഷണം തുടങ്ങി.
Related Posts:
