Web Desk 
രാവണീശ്വരം: രാവണീശ്വരം അഴീക്കോടൻ ഗ്രന്ഥാലയം & വായനശാലയുടെ ആഭിമുഖ്യത്തിൽ യുവ കവി വിനു വേലാശ്വരത്തിന്റെ വെയിൽ രൂപങ്ങൾ എന്ന പുസ്തകത്തിന്റെ ചർച്ച സംഘടിപ്പിച്ചു. മദ്യത്തിന്റെ ലോകത്തു നിന്നും മോചിതനായി അക്ഷരത്തിന്റെ ലോകത്തിലെത്തി വെയിൽ രൂപങ്ങൾ എന്ന കവിത സമാഹാരം പുറത്തിറക്കിയ വിനു വിന്റെ ജീവിതവും കവിതയും ഈ വർത്തമാന കാല സാഹചര്യത്തിൽ ഏറെ ചർച്ചകൾ ചെയ്യപ്പെടേണ്ടവയും ഇന്നത്തെ യുവത്വം പഠിക്കേണ്ടവയും ആണെന്ന് പുസ്തകം പരിചയപ്പെടുത്തിക്കൊണ്ട് കൊണ്ട് കെ ശശി രാവണീശ്വരം അഭിപ്രായപ്പെട്ടു. ഗ്രന്ഥാലയം പ്രസിഡണ്ട് എം ബാലകൃഷ്ണൻ അധ്യക്ഷനായി. കെ വി രവീന്ദ്രൻ, ഉണ്ണികൃഷ്ണൻ പി, പ്രകാശൻ പി, എം സുനിത, ധന്യ അരവിന്ദൻ എന്നിവർ സംസാരിച്ചു. വിനു വേലാശ്വരം തന്റെ ജീവിതകാല അനുഭവങ്ങൾ പങ്കു വെച്ചു. ഉപഹാര വിതരണം എം ബാലകൃഷ്ണൻ നിർവഹിച്ചു. കുമാരി ധൻവി കൃഷ്ണ കവിത ആലപിച്ചു. ഗ്രന്ഥാലയം ജോ.സെക്രട്ടറി അഭിലാഷ് ടി സ്വാഗതവും ലൈബ്രെറിയൻ സുരേഖ നന്ദകുമാർ നന്ദിയും പറഞ്ഞു.
