പാട്ടിൻറെ പാലാഴി തീർത്ത് ഉദിനൂരിൽ ബാബുരാജ് അനുസ്മരണം

ഉദിനൂർ : അനശ്വരഗാനങ്ങൾ കൈരളിക്ക് സമ്മാനിച്ച സംഗീതജ്ഞൻ എം എസ് ബാബുരാജിന് സ്മരണാഞ്ജലികൾ അർപ്പിച്ച് ഉദിനൂർ സെൻട്രൽ എയുപി സ്കൂൾ. എം എസ് ബാബുരാജ് ഓർമ്മദിനത്തിൽ പ്രത്യേക അസംബ്ലിയിൽ രക്ഷിതാക്കളും നാട്ടുകാരും അധ്യാപകരും കുട്ടികളും ബാബുരാജിന്റെ അവിസമരണീയ ഗാനങ്ങൾ ആസ്വദിച്ചു. കൂടാതെ അനുസ്മരണപ്രഭാഷണവും നടന്നു. ഗാനങ്ങൾക്കൊപ്പം കുട്ടികൾ ബാബുരാജിൻറെ ചിത്രം വരച്ച് ആദരം അർപ്പിച്ചു. പിടിഎ അംഗങ്ങളായ രമ്യ എ കെ ,മായ രാധാകൃഷ്ണൻ , ഷൈജു കണ്ണോത്ത് തുടങ്ങിയവർ ,ബാബുരാജ് സംഗീത പകർന്ന ഗാനങ്ങൾ ആലപിച്ചു. സാഹിത്യവേദി അംഗങ്ങളായ അൻവിത അനീഷ് , ഗൗരീനന്ദ , യശ്വന്ത് , ഹർഷിൻ രാജ് എന്നിവർ വിവിധ പരിപാടികൾ അവതരിപ്പിച്ച ചടങ്ങിൽ ആരാധ്യ നായർ അവതാരകയായി .സ്കൂൾ സാഹിത്യവേദി ആസൂത്രണം ചെയ്ത പരിപാടി മലയാള ഗാനശാഖയെ സമ്പന്നമാക്കിയ എം എസ് ബാബുരാജിനുള്ള ഹൃദ്യമായ സ്മരണാഞ്ജലിയായി.