ഓട്ടോ ഡ്രൈവർ സെൽതു മുഹമ്മദിന്റെ മനുഷ്യത്വം രക്ഷിച്ചത് വിദ്യാർഥിയുടെ ജീവൻ, ആദരിച്ച് ബിജെപി

കുമ്പള: അപകടത്തിൽ പരിക്കേറ്റ് ഗുരുതര നിലയിലായ വിദ്യാർത്ഥിയെ യഥാസമയം ആശുപത്രിയിലെത്തിച്ച് ജീവൻ രക്ഷിച്ച ഓട്ടോ ഡ്രൈവറെ ആദരിച്ച് ബിജെപി. സെൽത് മുഹമ്മദ്‌ എന്ന ഓട്ടോ ഡ്രൈവറെയാണ് ബിജെപി കുമ്പള പഞ്ചായത്ത്‌ കമ്മിറ്റി ആദരിച്ചത്. ഏതാനും ദിവസം മുമ്പ് കുമ്പള ജി എസ് ബി സ്കൂൾ പരിസരത്തുണ്ടായ അപകടത്തിൽ സാരമായി പരിക്കേറ്റ വിദ്യാർത്ഥിയെയാണ് സെൽത് മുഹമ്മദ്‌ ആശുപത്രിയിൽ എത്തിച്ച് ജീവൻ രക്ഷിച്ചത്. 6അപകടത്തിൽപ്പെട്ട കുട്ടിയുടെ കാൽഅറ്റുപോയി ഗുരുതരാവസ്ഥയിലായിരുന്നു. ഈ സമയം അതുവഴി ഓട്ടോയിൽ സ്കൂൾ കുട്ടികളുമായി വന്ന സെൽതു മുഹമ്മദ്‌ സംഭവസ്ഥലത്ത് കുട്ടികളെ ഇറക്കി പരിക്കേറ്റ വിദ്യാർത്ഥിയെ ഓട്ടോയിൽ കയറ്റി ആശുപത്രിയിൽ എത്തിച്ചു. ഇദ്ദേഹത്തിന്റെ അവസരോചിതമായ ഇടപെടൽ കാരണമാണ് കുട്ടിയുടെ ജീവൻ രക്ഷിക്കാനായത്.

ആദരിക്കൽ ചടങ്ങിൽ ബിജെപി സംസ്ഥാന കൗൺസിൽ അംഗം വി രവീന്ദ്രൻ പൊന്നാടയണിയിച്ചു. മണ്ഡലം അധ്യക്ഷൻ സുനിൽ അനന്തപുരം മൊമെന്റോ നൽകി. മണ്ഡലം ജനറൽ സെക്രട്ടറിമാരായ കെ പി അനിൽകുമാർ, വസന്തകുമാർ മയ്യ, മഹിളാ മോർച്ച മണ്ഡലം ജനറൽ സെക്രട്ടറി രചന ഷെട്ടി, ബിജെപി ജില്ലാ കമ്മിറ്റിയംഗവും കുംബ്ലെ സഹകരണ ബാങ്ക് പ്രസിഡൻ്റമായ രാധാകൃഷ്ണ റൈ മഡ്വ, ശശി കുമ്പള, സുജിത് റൈ, പ്രദീപ് ബംബ്രാണ, ഗോപാൽ കഞ്ചിക്കട്ട, എന്നിവർ പങ്കെടുത്തു.