ആശമാരെ തൊഴിലാളികളായി അംഗീകരിക്കുക, മിനിമം വേതനം 26000 രൂപ അനുവദിക്കുക, പി.എഫ്, പെൻഷൻ, ഗ്രാറ്റുവിറ്റി നൽകുക, ഇൻഷുറൻസ് പുന:സ്ഥാപിക്കുക, കേന്ദ്ര ബഡ്ജറ്റിൽ സംസ്ഥാനത്തിനർഹമായ വിഹിതം അനുവദിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ട് ആശാ വർക്കേഴ്സ് ആൻഡ് ഫെസിലിറ്റേറ്റർ ഫെഡറേഷൻ ഓഫ് ഇന്ത്യ (സി ഐ ടി യു) നേതൃത്വത്തിൽ 2025 മാർച്ച് 21 ന് ദേശ വ്യാപക പ്രതിഷേധം സംഘടിപ്പിക്കുന്നു. ഇതിന്റെ ഭാഗമായി ആശാ വർക്കേഴ്സ് യൂണിയൻ നീലേശ്വരം ഏരിയാ കമ്മിറ്റി സംഘടിപ്പിച്ച നീലേശ്വരം പോസ്റ്റ് ഓഫീസ് മാർച്ച്
സി.ഐ.ടി.യു ജില്ലാ സെക്രട്ടറി പി. കമലാക്ഷൻ ഉദ്ഘാടനം ചെയ്തു.ഏരിയ പ്രസിഡന്റ് . എം ഉഷ അദ്ധ്യക്ഷത വഹിച്ചു. സി.ഐ.ടി.യു നീലേശ്വരം ഏരിയാ സെക്രട്ടറി കെ. ഉണ്ണി നായർ, ആശാ വർക്കേഴ്സ് യൂണിയൻ ജില്ലാ വൈ: പ്രസിഡന്റ് പി.വി. പ്രീത,ബിന്ദു വത്സൻ, ബീന എ
നീലേശ്വരം .മല്ലിക, മടിക്കൈ, നിഷ കരിന്തളം എന്നിവർ സംസാരിച്ചു.ഏരിയാ സെക്രട്ടറി നിഷ രാജീവൻ സ്വാഗതവും ട്രഷറർ .പി.വി ഗീത നന്ദിയും പറഞ്ഞു.
Web Desk 
