Web Desk 
പെരിയയിൽ നടക്കുന്ന ആരോഗ്യ സർവകലാശാല യൂണിയൻ കലോത്സവത്തിൽ ഏകാഭിനയത്തിൽ ഒന്നാമതെത്തി ഇന്ദുലേഖ. കോട്ടക്കൽ വി.പി.എസ് വി ആയുർവേദ കോളേജിലെ ഒന്നാം ബി എ എ എസ് വിദ്യാർഥിനിയായ ഇന്ദുലേഖ. നീലേശ്വരം ആയുർവേദ ആശുപത്രിയിലെ ഡോക്ടർ പട്ടേനയിലെ ജികെ സീമയുടെയും മാധ്യമപ്രവർത്തകൻ സോണി എം ഭട്ടതിരിപ്പാടിന്റെയും മകളാണ് . പ്രശസ്ത സിനിമ നാടക പ്രവർത്തകനായ നീലേശ്വരത്തെ കെപി ശശികുമാറിന്റെ ശിക്ഷണത്തിൽ മണിപ്പൂർ കലാപത്തിന്റെ ഭീതിയും വേദനയും രംഗാവിഷ്കാരം നടത്തിയാണ് ഏകാഭിനയത്തിൽ ഇന്ദു ഒന്നാമത് എത്തിയത്. കോഴിക്കോട് കെ എ സി ടി യിൽ എംബിബിഎസ് വിദ്യാർത്ഥിയായ ഇന്ദുലേഖയുടെ സഹോദരൻ അനന്തപത്മനാഭനും കലോത്സവത്തിൽ മത്സരിക്കുന്നുണ്ട് . സംസ്ഥാന സ്കൂൾ കലോത്സവ പ്രതിഭയായ ഡോക്ടർ ജി കെ ശ്രീഹരിയുടെ മരുമകൾ കൂടിയാണ് ഇന്ദുലേഖ. സീമയും നിരവധി തവണ സംസ്ഥാന സ്കൂൾ കലോത്സവത്തിൽ ജേതാവായിട്ടുണ്ട്.
