കഥയറിയാൻ കടലറിയാൻ കഥാ ചർച്ചയുമായി അനുപമ പിലിക്കോട്

അനുപമ പിലിക്കോട് ഗ്രന്ഥാലയത്തിൻ്റെ നേതൃത്വത്തിൽ വായനാ വെളിച്ചം പരിപാടിയുടെ ഭാഗമായി മാവിലാകടപ്പുറം കടലോരത്ത് കഥയറിയാൻ കടലറിയാൻ കഥാ ചർച്ച നടത്തി. ഗ്രന്ഥശാല പ്രസിഡൻ്റ് പ്രദീപൻ കോതോളി യുടെ അധ്യക്ഷതയിൽ ഹോസ്ദുർഗ്ഗ് താലൂക്ക് ലൈബ്രറി കൗൺസിൽ പ്രസിഡൻ്റ് പി. വേണുഗോപാലൻ ഉദ്ഘാടനം ചെയ്തു . ചെറുവത്തൂർ ഫിഷറീസ് ഗവ. ഹയർ സെക്കൻ്ററി സ്ക്കൂളിലെ അധ്യാപിക പ്രീതാ രാമചന്ദ്രൻ കഥ അവതരിപ്പിച്ച് കുട്ടികളുമായി സംവദിച്ചു. വെളുത്ത പൊയ്യ ബീച്ച് ഫ്രണ്ട്സ് വായനാശാല ലൈബ്രേറിയൻ പി കുഞ്ഞികൃഷ്ണൻ സംസാരിച്ചു. പിലിക്കോട് അനുപമ ഗ്രന്ഥശാല സെക്രട്ടറി കെ.പി മാധവൻ സ്വാഗതവും ലൈബ്രേറിയൻ അശോകൻ . കെ.വി നന്ദിയും പറഞ്ഞു ശേഷം കുട്ടികളും രക്ഷിതാക്കളും അവതരിപ്പിച്ച കലാപരിപാടികളും നടന്നു.