Web Desk 
വിവിധ ആവശ്യങ്ങളുന്നയിച്ച് അംഗണ്‍വാടി വര്‍ക്കേഴ്‌സ് ആന്റ് ഹെല്‍പ്പേഴ്‌സ് അസോസിയേഷന്‍ സി.ഐ.ടി.യു കാസര്‍കോട് ജില്ലാ കമ്മിറ്റി കാഞ്ഞങ്ങാട് മിനിസിവില്‍ സ്റ്റേഷന് മുന്നില്‍ മാര്‍ച്ചും ധര്‍ണ്ണയും നടത്തി. സി.ഐ.ടി.യു ജില്ലാ പ്രസിഡന്റ് മണിമോഹനന്‍ ഉദ്ഘാടനം ചെയ്തു.
പോഷന്‍ ട്രാക്കര്‍ അപാകത പരിഹരിക്കുക, ഇന്‍സെന്റീവ് കുടിശ്ശിക ഉടന്‍ നല്‍കുക,നിയമനം കാര്യക്ഷമമായി നടപ്പിലാക്കുക, തുടങ്ങിയ ആവശ്യങ്ങള്‍ ഉന്നയിച്ചു കൊണ്ടാണ് അംഗന്‍വാടി വര്‍ക്കേഴ്‌സ് ആന്റ് ഹെല്‍പ്പേഴ്‌സ് അസോസിയേഷന്‍ കാസര്‍ഗോഡ് ജില്ലാ കമ്മിറ്റി കാഞ്ഞങ്ങാട് മിനി സിവില്‍ സ്റ്റേഷന് മുന്നില്‍ പ്രതിഷേധ മാര്‍ച്ചും ധര്‍ണ്ണയും നടത്തിയത് . സിഐടിയു ജില്ലാ പ്രസിഡന്റ് മണി മോഹനന്‍ ഉദ്ഘാടനം ചെയ്തു. അസോസിയേഷന്‍ പ്രസിഡന്റ് പി പി വനജ അധ്യക്ഷത വഹിച്ചു. സെക്രട്ടറി കെ വി രാഗിണി സ്വാഗതം പറഞ്ഞു . പി വസന്തകുമാരി, എം പത്മിനി, രജനി പി, പത്മാക്ഷി കെ കെ, രാധാമണി പി.പി. തുടങ്ങിയവര്‍ സംസാരിച്ചു.
