യുവതിയെ ദേഹത്ത് പെട്രോൾ ഒഴിച്ച് തീ കൊളുത്തി കൊല്ലാൻ ശ്രമം

കടം കൊടുത്ത പണം തിരികെ ചോദിച്ച യുവതിയെ ദേഹത്ത് പെട്രോള്‍ ഒഴിച്ച് തീകൊളുത്തി കൊലപ്പെടുത്താന്‍ ശ്രമം. കൊന്നക്കാട് തെങ്കയം കറുകയില്‍ ഹൗസില്‍ ബിന്ദുഷാജി(41)യെയാണ് ദേഹത്ത് പെട്രോള്‍ ഒഴിച്ച് തീകൊളുത്തി കൊലപ്പെടുത്താന്‍ ശ്രമിച്ചത്. സംഭവത്തില്‍ ദീപു എന്ന പ്രശാന്തിനെതിരെ വെള്ളരിക്കുണ്ട് പോലീസ് കേസെടുത്ത് അന്വേഷണം തുടങ്ങി.

കഴിഞ്ഞദിവസം വൈകുന്നേരം കൊന്നക്കാട് ടൗണിൽ സംഭവം നടന്നത്. പ്രശാന്ത് രണ്ട് പ്ലാസ്റ്റിക് കുപ്പികളില്‍ കൊണ്ടുവന്ന പെട്രോള്‍ ബിന്ദുവിന്‍റെ ദേഹത്തേക്ക് ഒഴിച്ച് തീപ്പെട്ടികൊണ്ട് തീകൊളുത്താന്‍ ശ്രമിക്കുകയായിരുന്നു.