Web Desk 
കരിന്തളം: എ എൽ പി സ്ക്കൂൾ കീഴ്മാലയുടെ 72-ാം വാർഷികാഘോഷം വർണ്ണാഭവമായ പരിപാടികളോടെ നടന്നു. സമീപ പ്രദേശങ്ങളിലെ അംഗൺവാടി കുട്ടികളുടെ കലപരിപാടികൾ തുടർന്ന് സ്ക്കൂളിലെ പ്രീ പ്രൈമറി മുതലുള്ള കുട്ടികളുടെ വിവിധങ്ങളായ പരിപാടികളും ടീച്ചേഴ്സിൻ്റെയും എം പി ടി എ അംഗങ്ങളുടെയും നൃത്തനൃത്ത്യങ്ങളും അരങ്ങേറി.
ജനപങ്കാളിത്തവും അവതരണത്തിലെ വ്യത്യസ്തതകളും കൊണ്ട് പരപാടി ശ്രദ്ധേയമായി. പഞ്ചായത്ത് പ്രസിഡൻ്റ് ടി കെ രവി ഉദ്ഘാടനം ചെയ്തു. പി ടി എ പ്രസിഡൻ്റ് പ്രജോദ് ടി ആർ അദ്ധ്യക്ഷത വഹിച്ചു. സിനിമ സംവിധായകൻ സന്തോഷ് പുതുക്കുന്ന് മുഖ്യാഥിതിയായി. നാലാം ക്ലാസ്സിൽ നിന്നും പോകുന്ന കുട്ടികൾക്കുള്ള സ്നേഹാപഹാരം ചിറ്റാരിക്കാൽ എ ഇ ഒ ഉഷാകുമാരി വിതരണം ചെയ്തു. അംഗൻവാടി കുട്ടികൾക്കുള്ള സമ്മാന വിതരണം ആരേഗ്യ വിദ്യാഭ്യാസ സ്റ്റാൻ്റിംഗ് കമ്മറ്റി ചെയർമാൻ അജിത് കുമാർ കെ വി നിർവഹിച്ചു. മുഴുവൻ കുട്ടികൾക്കുമുള്ള സമ്മാന വിതരണം വാർഡ് മെമ്പർ ബിന്ദു ടി എസ് നിർഹിച്ചു. ഇൻ്റർനാഷണൽ ടാലൻ്റ് ഹണ്ട് എക്സാം വിജയികൾക്കുള്ള ഉപഹാരം പഞ്ചായത്ത് മെമ്പർ ഉമേശൻ വേളൂർ വിതരണം ചെയ്തു. എൻഡോവ്മെൻ്റ് വിതരണം രാജൻ മാസ്റ്റർ നിർവ്വഹിച്ചു. എസ് എം സി ചെയർമാൻ എം മനോഹരൻ, സ്ക്കൂൾ മാനേജർ ചന്ദ്രൻ എം കെ, പി ടി എ വൈസ് പ്രസിഡന്റ് രമേശൻ ടി, സ്കൂൾ ലീഡർ അയന അരൂൺ എന്നിവർ സംസാരിച്ചു. പ്രധാന അധ്യാപിക എൻ എം പുഷ്പലത സ്വാഗതവും എം പി ടി എ പ്രസിഡൻ്റ് സ്മിത സോജോമോൻ നന്ദിയും പറഞ്ഞു
Related Posts:
