ക്ഷാമ ബത്ത കുടിശ്ശികയും ലീവ് സറണ്ടറും അനുവദിക്കണം

സർക്കാർ സർവീസിൽ കുറഞ്ഞ ശമ്പള നിരക്കിൽ ജോലി ചെയ്യുന്ന ഡ്രൈവർമാരുടെ കുടിശ്ശിഖ ക്ഷാമബത്തയും ലീവ് സറണ്ടർ ആനുകൂല്യവും അടിയന്തരമായി അനുവദിക്കണമെന്നും പെർമിറ്റ് കാലാവധി അവസാനിച്ച വാഹനങ്ങൾക്ക് പകരം പുതിയ വാഹനങ്ങൾ അനുവദിക്കണമെന്നും കെ.ജി.ഡി.എ ജില്ലാ സമ്മേളനം ആവശ്യപ്പെട്ടു.
ജോയിന്റ് കൗൺസിൽ സംസ്ഥാന വൈസ് ചെയർമാൻ നരേഷ് കുമാർ കുന്നിയൂർ ഉദ്ഘാടനം ചെയ്തു.ജില്ലാ പ്രസിഡന്റ് ശശികുമാർ അധ്യക്ഷത വഹിച്ചു. കെ.ജി.ഡി.എ സംസ്ഥാന പ്രസിഡന്റ് പി കെ ബിജു സംഘടന റിപ്പോർട്ടും പി വി രാജേഷ് പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിച്ചു. ജോയിന്റ് കൗൺസിൽ ജില്ലാ സെക്രട്ടറി സി കെ ബിജുരാജ് , ജോയിന്റ് കൗൺസിൽ സംസ്ഥാന കൗൺസിൽ അംഗം പ്രദീപ് കുമാർ കെ.ജി.ഡി.എ സംസ്ഥാന എക്സിക്യൂട്ടീവ് അംഗം ജഗദീഷ് പ്രസാദ് എന്നിവർ സംസാരിച്ചു. പി വി രാജേഷ് സ്വാഗതവും ജയരാജൻ നന്ദിയും പറഞ്ഞു.

ഭാരവാഹികൾ –
– പി പി ശശികുമാർ
( പ്രസിഡന്റ്), കെ.ജയപ്രകാശ് , പി.വി.മനോജ്‌ (വൈസ്.പ്രസിഡന്റ്),
പി വി രാജേഷ് (സെക്രട്ടറി),
ശ്രീനിവാസൻ , കെ.ജയരാജൻ (ജോ.സെക്ര), എം.
ബൈജു (ട്രഷറർ).