Web Desk 
കൂടെ താമസിച്ചിരുന്ന സ്ത്രീയെ കൊലപ്പെടുത്തി കവർച്ച നടത്തിയ കേസിൽ പ്രതിക്ക് ജീവപര്യന്തം തടവും 2 ലക്ഷം രൂപ പിഴയും. പിഴ അടച്ചില്ലെങ്കിൽ 2 വർഷം അധികം കഠിന തടവും വിധിച്ചു. കർണ്ണാടക ഉടുപ്പിസ്വദേശിയായ ഹുളുഗമ്മയെ കൊലപ്പെടുത്തിയ കർണാടക ബിജാപ്പൂർ ബബിലേശ്വരത്തെ ലക്ഷ്മണ ദോഡ്ഡമനയുടെ മകൻ സന്തോഷ് ദൊഡ്ഡ മന(40) യേയാണ് കാസർകോട് അഡീഷണൽ ഡിസ്ട്രിക്ട് ആൻ്റ് സെക്ഷൻസ് കോടതി ഒന്ന് ജഡ്ജ് എ.മനോജ് ശിക്ഷിച്ചത്. 2013 ജൂലൈ 31 ന് രാവിലെ 8 മണിയോടു കൂടിയാണ് പ്രതി സന്തോഷ് ഹുളുമ്മയെ ഉപ്പള ഹിദായത്ത് നഗറിലെ ക്വാർട്ടേസിൽ വച്ച് ഉടുത്തിരുന്ന സാരിയുടെ അറ്റം ഉപയോഗിച്ച് കഴുത്തു മുറുക്കി കൊലപ്പെടുത്തി ആഭരണങ്ങളും പണവും മൊബൈൽ ഫോണും കവർച്ച ചെയ്തത്. ക്വാർട്ടേർസിൽ കൊല്ലപ്പെട്ട നിലയിൽ കണ്ടത്. ഇരുവരും ക്വാർട്ടേഴ്സിൽ ഭാര്യാ ഭർത്താക്കന്മാരെപ്പോലെ കൂലിപ്പണിയെടുത്തു ജീവിച്ചു വരുകയായിരുന്നു. റൂമിൽ നിന്നും ദുർഗന്ധം വരുന്നത് ശ്രദ്ധയിൽപ്പെട്ട അയൽവാസിയും ക്വാർട്ടേഴ്സ് ഉടമയും നടത്തിയ പരിശോധനയിലാണു് ഹുളു ഗമ്മയെ റൂമിൽ അർധ നഗ്നാവസ്ഥയിൽ മരിച്ചു കിടക്കുന്നത്‌ കണ്ടത്. അന്വേഷണത്തിൽ 31 ന് രാവിലെ 8 മണിയോടു കൂടിയാണ് പ്രതി സന്തോഷ് ഹുളുമ്മയെ കൊലപ്പെടുത്തി, കവർച്ച നടത്തി ഒളിവിൽ പോയതായി മനസിലായത്. സംഭവ ദിവസം രാവിലെപ്രതിയെയും ഹുളുഗ മ്മയെയും ഒന്നിച്ച് റൂമിൽ കണ്ട സാക്ഷികളുടെ മൊഴി കേസിൽ നിർണ്ണായകമായി. ഹുളുഗമ്മ യുടെ കവർച്ച ചെയ്യപ്പെട്ട സ്വർണ്ണം പ്രതിയിൽ നിന്നും കണ്ടെടുത്തിരുന്നു. മഞ്ചേശ്വരം പോലീസ് രജിസ്റ്റർ ചെയ്ത കേസിൽ അന്വേഷണം നടത്തി കോടതി മുമ്പാകെ കുറ്റപത്രം സമർപ്പിച്ചത് കുമ്പള സർക്കിൾ ഇൻസ്പെക്ടറായിരുന്ന സിബി തോമസ് ആണ്. പ്രോസിക്യൂഷന് വേണ്ടി അഡീഷണൽ ഡിസ്ട്രിക്ട് ഗവ: പ്ലീഡർ ആൻ്റ് പബ്ലിക് പ്രോസിക്യൂട്ടർ ഇ ലോഹിതാക്ഷൻ, അഡ്വ: ആതിര ബാലൻ എന്നിവർ ഹാജരായി.
അഡീഷണൽ ഡിസ്ട്രിക്ട് ആൻ്റ് സെക്ഷൻസ് കോടതി ഒന്ന് കോടതിയിലെ ഒക്ടോബർ മാസത്തെ 302 ഐപിസി കേസിലെ നാലാമത്തെ ശിക്ഷയാണ് ഗവ.പ്ലീഡർ ലോഹിതാക്ഷൻ ചാർജ് എടുത്ത ശേഷമുള്ള പ്രതികൾക്ക് ശിക്ഷ വാങ്ങിച്ചു കൊടുത്ത പതിനൊന്നാമത്തെ കൊലക്കേസാണ് ഇത്.
Related Posts:
